掃呢頁CODE去手機

2013年11月28日 星期四

趙世曾選美獵艷 港女同居唔俾嘴 趙世曾,M1,




十九歲的 Givanna說話陰聲細氣,令做得阿爺的趙世曾十分受落,但就不夠聽話不肯除褸,「我見佢著件衫會唔會太熱?」

名人私生活

趙世曾選美獵艷 港女同居唔俾嘴

出名風流,自言曾與過萬女人約會的卓能集團主席趙世曾,近十年只鍾情北方佳麗,而且全是散拖形式幾個月就換畫。年屆七十七的他人老心不老,前幾年贊助首屆中國小姐選舉,在趙苑舉行比賽,名正言順𥄫女。

食髓知味,今年他又贊助國際旅遊小姐選美,還極速𥄫中十九歲的港女 Givanna,二人一拍即合,唔使一個禮拜,港女更搬埋入趙苑同居,與趙世曾另一強國女友 Dora兩女侍一男。

只不過趙世曾如意算盤打不響,據知每次趙公子想濕吻,港女都借機閃開,唔多聽話囉。

一拍即合

話係深圳市場部經理的 Dora,陪住趙生從趙苑出發去碼頭,仲主動繑實老細。

呢位十九歲、中文名叫鄧寶怡的 Givanna,本來跟其餘九位港女一齊比賽,「三星期前,趙生見過班女仔,傾過偈,佢話 Givanna幾乖巧溫柔,想要栽培佢。」過幾日, Givanna已從選美行列中脫籍,跟住趙世曾出席他的山頂樓盤活動,趙生仲向傳媒介紹:「佢係公司的公關小姐,負責搞今次旅遊小姐的項目。」

不過這種掛名職位,其實是趙世曾安置女友的伎倆,由以前馬慧、鄔仁,到目前所謂深圳寫字樓市場部經理 Dora,都話在卓能集團打工,問她實質做乜?她先支吾以對,繼然走人,避免露出馬腳。

而港女 Givanna就高中畢業,來自單親家庭,跟母親住奧海城,之前曾選過中華文化小姐,今次又參加國際旅遊小姐,終於未選先得米。表面上唔多出聲的她,其實不知幾主動,向趙世曾撒嬌話想搬屋,從而搬入趙苑,「趙生同 Dora住主人房, Givanna不介意,更好天真話住得入屋就當她是家人。」爆料人更話︰「趙生真係帶佢同家人食飯, Givanna開口埋口叫趙博士,又主動夾餸,同 Dora又唔爭寵,令趙生好開心,總之話有初戀的感覺。

經過趙生幾次叫除衫, Givanna才解開衫釦把領口打開,吹脹!

兩週前,趙生旗下山頂的「卓能山莊」借場予《金雞 3》拍電影,他帶埋 Givanna去探班。

Givanna在眾多旅遊小姐中算最省鏡。

唔肯 open

雖然趙生讚她斯文,但亦開始嫌她不夠 open。據知同住一屋的 Givanna,遲遲不肯俾趙世曾嘴嘴,「有次趙生想法式濕吻,佢就用手擋,之後每次見對方𡁻香口膠, Givanna都敬而遠之。」

上週六,趙世曾提供遊艇、直升機俾著住比堅尼的旅遊小姐上天下海,陪坐的國產 Dora好識做,一上船就除褸露事業線,任由趙生攬實,反觀 Givanna守身如玉,全程著住外套,短裙下仲要著對黑絲襪打底,就算趙世曾多次叫她除褸,她都扮聾,最後知趣讓步,亦不過只係將領口拉開少少咁多。

記者問趙世曾是否跟 Givanna同居?他笑話:「我哋趙苑好多地方,咁佢做項目,會容易招呼人,又唔係同我住埋一齊。(唔肯俾你錫喎)嚇?邊有呢啲嘢?你搞錯。」而 Givanna亦辯稱:「我哋有幾個女仔住得遠,係方便做嘢先暫住(趙苑),做完個活動我哋會搬走,趙生已經有女朋友 Dora啦。」

縱然閱女無數,趙世曾見到穿三點式的旅遊小姐,亦顯得十分雀躍,左右開弓不亦樂乎。



鍾意就快D Share啦!