2015年7月16日 星期四

分手搬返青衣屋邨 沈卓盈打回原形 [壹週刊 - 1323] 沈卓盈,M1,



探熱針

分手搬返青衣屋邨 沈卓盈打回原形

三十一歲的沈卓盈,與拍拖兩年的富貴男友麥偉汶( Ray),近年經常有爭執,更試過在禮頓山屋企停車場吵大鑊,男方更躁到打爆女友的車玻璃。據了解,早前沈卓盈已經搬返娘家青衣屋邨,打回原形。

不滿搞到阿媽

葉翠翠結婚,有份做姊妹的沈卓盈被問到幾時輪到她時,以一句「隨緣」做回應,一反平日雀躍恨嫁態度。原來她與做金融的男友 Ray已於六月初分手。

「 Jess(沈卓盈)一條心諗住結婚,但 Ray又唔想咁快綁住自己!過去兩年,無綫冇乜嘢俾 Jess做,但佢唔在乎,寧願陪住男友,又經常明示暗示想結婚, Ray每次都側側膊避開,已經滿咗三十一歲嘅 Jess就愈來愈急,仲喺 Ray媽面前呻,之後 Ray同佢吵咗鑊甘,仲乘機分埋手!」知情者說。

沈卓盈坐駕

已搬回長青邨的沈卓盈,租了月租車位,最近她常於下午離開屋企,揸二手寶馬返無綫趕拍新劇。

心軟易氹

今年四月,二人曾在禮頓山住所停車場發生爭執,據知,當時 Ray因為阻止女友離開,失控用網球拍打爛沈卓盈的 MINI坐駕擋風玻璃,之後 Ray買了架二手寶馬賠罪。

「近年兩個成日嗌交,有時仲嗌到要分手,喺停車場嗰次後,大家都以為冇得掹,點知嘈完送番架車又當冇事!身邊朋友其實有勸 Jess唔好再同 Ray一齊,但佢份人心軟,好易俾男友氹番。今次係 Ray嗌分手, Jess都冇再糾纏,因為佢都心淡。」

分手後,沈卓盈即刻搬離禮頓山千萬愛巢。

今年五月中,仍可見到沈卓盈與男友 Ray拍拖外出,二人保持距離,不似以往般手拖手,感情明顯變淡。

今年四月,沈卓盈與男友 Ray在禮頓山吵大鑊, Ray一時衝動用網球拍打爛她的坐駕擋風玻璃。

葉翠翠結婚當日,沈卓盈是姊妹之一,其間被記者問及幾時輪到她出嫁,她避而不答。

搬回娘家,每晚收工都有媽媽靚湯飲,最令沈卓盈開心。

唔想捱貴租

分手後,沈卓盈已搬離 Ray的禮頓山屋企,近日多次見她拍完劇收工,也是返回老家長青邨,並將白色寶馬泊在停車場的月租車位。上月開始,沈卓盈在個人 ig上載半夜收工後有阿媽靚湯飲,暗示自己已回復單身。「雖然搬返阿媽屋企唔方便,但出面啲租咁高,無綫份糧又奀,仲要養車,諗過度過都係搬返去青衣,可以陪吓媽咪,又有湯水飲!」知情者說。

剛拍完新劇《公公出宮》,緊接開《警犬巴打》,冇拖拍,靠自己的沈卓盈不再推劇。

最近,沈卓盈獨自逛街,並將試新衫的照片上載個人 IG。

就連飲咖啡也寫住一個人的咖啡,沈卓盈似乎想公告已回復單身。

雖然沈卓盈的朋友不多,但起碼有個由細玩到大的知己徐淑敏,就算分手也可找她講心事。

今年才受浸的沈卓盈,男友 Ray亦曾陪她返教會,可惜兩人的緣分已盡,未能開花結果。

沈卓盈知道現在要靠自己,所以開工也比以往積極!剛拍完《公公出宮》的她,緊接埋位拍攝時裝劇集《警犬巴打》。

得個吉

泊到大碼頭,食好住好用名牌,甚至有附屬咭任碌,但只要一分手,隨時乜都冇。男好女好,都一樣。

周志文

巨聲「大孖」周志文工作量不多,但得到有米女友袁紫僑( CoCo)照顧,一樣可以用名牌住豪宅,可惜窮心未盡色心又起,因多次偷食而被飛,要搬返屋邨同阿媽住,出入搭巴士港鐵。

陳山聰

同何超雲拍拖期間,搭飛機坐頭等,住陽明山莊,周身名牌,食好住好陪女友周遊列國,分手後,要𦧲返無綫拍劇,並搬返九龍灣舊居麗晶花園。

唔逼得

金龜供不應求!為免手中筍盤俾人搶走,好多女藝人寧願賺少啲,推 job全天候做跟得女友,甚至出招逼婚,希望盡快坐正,結果,搞到上唔到岸。

胡定欣

12年與廣告闊少沈栢淳( Patt)撻着,拍拖未夠一年已經同居並多次傳出婚訊,但知道男方未有結婚計劃後,年過三十的胡定欣唔想再嘥時間,去年決定斬纜。

熊黛林

06年與郭富城拍 MV一撻即着,拍拖七年多次向男友逼婚,依然無功而回; 13年,熊黛林於微博晒尾指戒,暗示與天王分手。

鍾意就快D Share啦!
Related Posts Plugin for WordPress, Blogger...