掃呢頁CODE去手機

2016年3月9日 星期三

同聲同氣 劉公子同囚赤柱 勒索同志歌手出獄:叫我陪佢瞓 [FACE - 459] __,劉公子,劉定成,MF,

自細跟住好憎佢嘅阿媽生活,被鬧賤種、乞兒,至今攞住死鬼老竇部份遺產闖一番事業,命途未算最坎坷嘅!真面目同聲同氣 劉公子同囚赤柱 勒索同志歌手出獄:叫我陪佢瞓13年時準備出道做歌手的梁迪斯(原名梁家進,又名梁柏廷),因與一男同志發生肛交後勒索對方25萬,結果勒索罪成,最終被判入獄2年。當年被大字標題寫到「樂壇新秀涉肛交勒索」,出獄後的梁迪斯改名換姓韓梓亮(TL),死心不息再向樂壇發展。週日(6日)接 ...


自細跟住好憎佢嘅阿媽生活,被鬧賤種、乞兒,至今攞住死鬼老竇部份遺產闖一番事業,命途未算最坎坷嘅!

真面目

同聲同氣 劉公子同囚赤柱 勒索同志歌手出獄:叫我陪佢瞓

13年時準備出道做歌手的梁迪斯(原名梁家進,又名梁柏廷),因與一男同志發生肛交後勒索對方 25萬,結果勒索罪成,最終被判入獄 2年。

當年被大字標題寫到「樂壇新秀涉肛交勒索」,出獄後的梁迪斯改名換姓韓梓亮( TL),死心不息再向樂壇發展。週日( 6日)接受訪問:「𠵱家好好彩,可以做番歌手重新出道。」仲大爆與劉公子同囚赤柱的秘聞。

「急住搵錢交租,喺程式上識咗啲人,上咗嚟我屋企。初頭真係無諗過呃佢錢,係佢真係雞姦咗我,咁然後我就諗歪咗,導致俾人告恐嚇勒索。自己真係錯咗。」現已改名換姓叫韓梓亮的他,係江湖二代,爸爸沙膽雄當年活躍佐敦一帶,更是剛過身的 14K要員鬍鬚勇頭馬之一,惜 12年因病離世。

劉公仔 12年被判入獄後申請上訴,可惜 13年 8月上訴失敗即時入獄,咁啱就喺獄中識到同在赤柱服刑嘅韓梓亮。《蘋果日報》圖片

講到 13年被男同志雞姦,韓梓亮不禁流眼淚,喊住謂:「真係好痛。」

瞓獨立倉

在赤柱獄中 2年,好幾次都差點被打,最後被調到保護組瞓獨立倉,每日只得一小時活動時間,「人哋睇到單新聞就想打我,職員就安排我上保護組,保護組係無人接觸到我嘅,當時就識到一位叔叔喺我隔籬倉,而佢都識好多娛樂圈嘅朋友。」

數數手指, 13年 8月上訴失敗的劉公子劉定成,同樣被判入赤柱,加上認識好多娛樂圈朋友,呢位叔叔背景與劉公子有 9成相似喎!

13年因勒索男同志 25萬而被判入獄 2年 2個月,與母親關係甚差嘅韓梓亮全程冇親人去探過監。《蘋果日報》圖片

高皓正當年不單幫韓梓亮還錢,嚟緊仲會合作做新歌,韓梓亮有問過高皓正驚唔驚,點知高皓正話:「我都唔驚,你驚咩呀?」

叫我影手指腳趾

「佢同我講,如果出嚟後想做番呢行,叫我打俾佢,又叫我練大隻啲幫我出寫真,但係我過唔到自己嗰關。出返嚟後,有次喺中環撞到,之後就約食飯,佢問我有冇興趣做番歌手,我話有,咁佢就話,不如瞓一晚囉。好坦白,瞓一晚咩都唔做我唔信啦,你又叫我影手指腳趾,我又唔係大隻仲話幫我出寫真……都睇過佢啲新聞,我點相信唔使做任何嘢而你會幫我呢?我寧願靠自己囉!(飯局期間有冇手多多?)搭吓膊頭,過馬路會扶住條腰囉。」

不過劉公子週一( 7日)回覆本刊就一笑置之:「有啲人擺我上枱都得㗎!不認識,沒有交往,我唔會同裏面啲人打交道。」

韓梓亮訪問當日口口聲聲話自己唔係同志,不過睇番呢張自拍相,好難相信囉!(網上圖片)

韓梓亮爸爸沙膽雄(右一)曾介紹過唔少藝人前輩畀囝囝識,勒索事件發生後,韓梓亮曾經搵過部份前輩出嚟食飯兼攞意見,可惜前輩話:「你𠵱家咁負面,唔好出嚟喇,唔想俾人影到呀!」(網上圖片)

近日韓梓亮搵嚟好友曲赤一齊合作咗首新歌〈 TML〉,雖然宣傳欠奉,不過都有八千幾點擊,算唔錯(網上圖片)

肌男為錢繼續陪

劉公子當年上庭,每次都有契仔盧昕傑陪同,唔知講心定講金呢?《蘋果日報》圖片

12年富商劉定成被搜出家中藏有六萬幾張男星和男警嘅不雅照,最終被裁定恐嚇和非禮罪名成立而被判入獄 17個月!陳偉霆、羅仲謙、袁偉豪、沈震軒等人都涉嫌有出現喺呢六萬幾張相入面!

劉公子已經出獄,而劉公子亦多次被影到繼續有嫩男陪行街、食飯,原來仲有一位圈中肌男仲有 keep住同劉公子聯絡。據知呢位肌男為咗 30萬一次嘅「服務費」而繼續冒險,為搵錢都算大犧牲!不過小心穿煲俾女朋友知道喎!

採訪、撰文:娛樂組

攝影:林迅景


鍾意就快D Share啦!