掃呢頁CODE去手機

2016年11月30日 星期三

【半生大上大落】黎嬰車禍入院 黎姿月花10萬救細佬兼信教 __,黎嬰,黎姿,

今年45歲黎姿出身演藝世家,爺爺係香港電影之父黎民偉,嫲嫲係香港第一代電影明星林楚楚,姑媽係甘草演員黎萱。黎姿14歲就俾姑媽黎萱帶入行,縱使出身演藝世家,但黎姿童年時期並不富裕,爸爸患有腦膜炎失聰,之後家道中落,全家由2000呎何文田豪宅搬到200呎嘅九龍城東頭邨住。入行後嘅黎姿,憑標致五官,得到黃百鳴賞識,自此展開長達20年嘅演藝生涯,成為三棲藝人。電影方面,黎姿初期都只係做吓花瓶角色,到96年 ...




其他影片:>>






今年45歲黎姿出身演藝世家,爺爺係香港電影之父黎民偉,嫲嫲係香港第一代電影明星林楚楚,姑媽係甘草演員黎萱。黎姿14歲就俾姑媽黎萱帶入行,縱使出身演藝世家,但黎姿童年時期並不富裕,爸爸患有腦膜炎失聰,之後家道中落,全家由2000呎何文田豪宅搬到200呎嘅九龍城東頭邨住。入行後嘅黎姿,憑標致五官,得到黃百鳴賞識,自此展開長達20年嘅演藝生涯,成為三棲藝人。電影方面,黎姿初期都只係做吓花瓶角色,到96年喺《古惑仔之人在江湖》做黐脷根細粒粒而彈起。到04年,黎姿再憑《金枝慾孽》嘅侯佳‧玉瑩,奪得無綫視后寶座,演藝事業爬上頂峰。曾經講過自己細個冇乜機會讀書嘅黎姿,一直疼錫細佬黎嬰,有指佢將自己拍戲積蓄供細佬去外國讀書。但當05年細佬學成歸來,喺銅鑼灣開設皮膚護理中心躊躇滿志之際,黎嬰卻喺一次交通意外中,嚴重受傷,有指期間動過10幾次開腦手術。黎姿當時大受打擊,有傳要四出籌錢醫細佬,為咗令細佬康復,除咗返教會望神蹟出現,更安排黎嬰入住月租達10萬蚊嘅復康院。喺黎姿細佬車禍入院後,馬廷強喺黎姿身邊給予無限量嘅支持,替黎姿渡過難關,最後細佬康復出院,令黎姿感動不已,當時已經認定馬廷強係可以付託終身嘅男人。黎姿最終喺08年宣佈退出娛圈,嫁俾大自己15年嘅馬廷強,二人婚後育有3位千金,而淡泊名利嘅黎姿,亦樂做全職媽咪,喺屋企專心照顧老公同湊女。

05年黎嬰學成歸來,更開設皮膚護理中心,全家包括父母、家姐黎姿撐場!(資料圖片) 黎姿多年嚟一直疼錫細佬。(資料圖片)
可惜07年一場車禍,令黎嬰重傷,出入要用輪椅代步。(資料圖片) 黎姿其後幫細佬打理皮膚護理中心。(資料圖片) 黎嬰近年康復進度理想,不時同家人出外用膳。(資料圖片)
馬廷強喺黎姿最無助時,給予無限支持,最終成功聚到黎姿。(資料圖片) 二人結婚8年,一直表現恩愛。(資料圖片)

來源 source: http://s.nextmedia.com
鍾意就快D Share啦!