掃呢頁CODE去手機

2016年11月29日 星期二

【獨家】趁一田大減價 陳豪陳茵媺全家出動執筍貨 __,茵媺,陳豪,陳茵媺,

陳豪一向好錫老婆同仔女,日前老婆陳茵媺因為鼻敏感搞到對眼紅晒,陳豪就緊張大師上身,帶埋老婆漏夜睇急症。不過,陳豪事後出活動都直認老婆只係普通病痛,問題唔大,只係自己太過擔心啫!日前陳豪同陳茵媺一家五口連外傭,趁住一田大減價出動去掃貨,讀者譚小姐透過「爆相爆片」報料,指當日下晝約4點,見到陳豪夫婦帶埋三個寶貝仔女一齊去大埔一田購物,陳茵媺專攻BB衫同BB用品,由於係一田購物優惠日,周圍都有唔少街坊, ...




其他影片:>>






陳豪一向好錫老婆同仔女,日前老婆陳茵媺因為鼻敏感搞到對眼紅晒,陳豪就緊張大師上身,帶埋老婆漏夜睇急症。不過,陳豪事後出活動都直認老婆只係普通病痛,問題唔大,只係自己太過擔心啫!日前陳豪同陳茵媺一家五口連外傭,趁住一田大減價出動去掃貨,讀者譚小姐透過「爆相爆片」報料,指當日下晝約4點,見到陳豪夫婦帶埋三個寶貝仔女一齊去大埔一田購物,陳茵媺專攻BB衫同BB用品,由於係一田購物優惠日,周圍都有唔少街坊,個個見到陳豪夫婦都打雀咁眼望實佢哋。不過陳太就冇理周圍目光,「衝鋒陷陣」捐窿捐罅四圍搵筍貨。譚小姐話:「佢哋都係住大埔區,有時都會見佢哋,多數戴口罩,但今次就冇,佢哋見到人叫佢都好nice咁笑。」當日陳茵媺着上黑色貼身衫,薄施脂粉,個樣都好精神,睇嚟之前嘅小病痛已經好番好多。雖然花多眼亂,但佢都金睛火眼心無雜念咁揀選心頭好。見老婆揀咗好耐都未揀完,陳豪就先同外傭姐姐,一個抱住大仔陳梓燁(Aiden),一個抱住二仔陳浩鋒(Nathan)去停車場,之後陳豪再折返到特賣場,原來係幫茵媺抱埋細女Camilla先上車,等老婆可以專心購物。約十幾分鐘後,茵媺終於買完晒嘢去停車場會合老公。譚小姐忍唔住大讚:「佢哋真係好合拍,爸爸媽媽分工合作,好sweet。」

(讀者譚小姐提供圖片) 日前一田大減價,商場人山人海,但陳豪陳茵媺無懼人多,一家五口加埋外傭,同大埔街坊一齊執平貨。(讀者譚小姐提供圖片) 三年抱三嘅陳茵媺,當日主攻BB用品。(讀者譚小姐提供圖片)
當日陳豪無懼街坊眼望望,同老婆分工合作,陳茵媺負責執平貨,陳豪負責湊仔女落停車場。(讀者譚小姐提供圖片) 抱完二仔落停車場,陳豪再抱細女Camilla落去。(讀者譚小姐提供圖片) 當日商場超級多人,唔少途人都認得陳豪。(讀者譚小姐提供圖片)
大仔Aiden 二仔Nathan 細女Camilla
陳豪平時都鍾意做湊仔公,同老婆一人揹住一個去shopping。(資料圖片) 之前兩公婆就去咗威尼斯,過咗個難得嘅二人世界。

來源 source: http://s.nextmedia.com
鍾意就快D Share啦!