掃呢頁CODE去手機

2016年11月30日 星期三

曹母擸鮑魚湊孫乜都講錢 曹央雲生日照索十萬 __,曹央雲,

曹母擸鮑魚湊孫乜都講錢曹央雲生日照索十萬曹央雲媽媽嘅金句︰「我生得你出,你所有嘢都係我嘅!」果然係講得出,做得到!只要可以喺曹央雲身上拎到錢嘅,曹母咩理由都有。兩母女未斷交之前,曹母就會買個蛋糕送俾女女,不過曹央雲要回禮㗎!就係要俾10萬蚊出嚟,當係阿女報答阿媽生你育你嘅心意錢。一個價幾百蚊嘅蛋糕,可以換十萬蚊,認真和味!之前曹母話佢湊孫只係得5000蚊,陪月個人工都高過佢,搞到佢好唔開心。不過, ...






  • 其他影片:>>






  • 曹母擸鮑魚湊孫乜都講錢 曹央雲生日照索十萬
  • 曹央雲媽媽嘅金句︰「我生得你出,你所有嘢都係我嘅!」果然係講得出,做得到! 只要可以喺曹央雲身上拎到錢嘅,曹母咩理由都有。

    兩母女未斷交之前,曹母就會買個蛋糕送俾女女,不過曹央雲要回禮㗎!就係要俾10萬蚊出嚟,當係阿女報答阿媽生你育你嘅心意錢。一個價幾百蚊嘅蛋糕,可以換十萬蚊,認真和味!

    之前曹母話佢湊孫只係得5000蚊,陪月個人工都高過佢,搞到佢好唔開心。不過,曹央雲生咗小朋友之後,其實有兩個陪月,一個護士,仲有管家等等成班人幫手湊。不過曹母仍然爭住同個孫女換片,換咗一塊咁多之後,就要曹央雲俾5萬蚊!

    曹央雲媽媽同埋同母異父嘅妹妹有一段時間,入住山頂嘅大宅。點知曹母走去向何永安拎錢,食白果之後仲喺屋企又鬧又喊,搞到何永安唔敢番屋企成個月。最後要勞煩一眾親戚帶走曹母,不過佢一走,就連曹央雲屋企嘅一百隻,價值幾十萬蚊嘅日本窩麻乾鮑都唔見埋。

    仲有曹母身上的皮草,腳上嘅名牌鞋,全都係出自曹央雲嘅銀包。還有之前嗰兩層樓,賣咗出去之後,曹母已經淨袋七百萬!曹央雲可以話盡量去滿足阿媽嘅要求,但係有人仍然貪得無厭。曹央雲又要養小朋友,阿媽仲要獅子開大口,真係狼過大耳窿呀! 


    鍾意就快D Share啦!