掃呢頁CODE去手機

2016年11月30日 星期三

【當年仲係烈女】同張智霖拍牀戲 黎姿靚靚隔空互鬧 __,靚靚,張智霖,黎姿,袁詠儀,

娛圈生活從來五光十色,但到處都係明爭暗鬥。自從黎姿同商人馬廷強結婚之後,自此放棄燈紅酒綠嘅娛圈生活,之後仲為對方誕下三千金,o依家除咗幫細佬黎嬰打理皮膚護理中心外,就主力相夫教女,前塵嘅光輝盡化一縷青煙。樣貌標緻嘅黎姿,喺佢淡出呢個名利圈前,除咗有唔少緋聞,亦不時惹上是非,好似喺97年,黎姿同張智霖拍攝電影《豪情蓋天》嘅時候,佢就同當時仲同ChiLam拍拖嘅袁詠儀(靚靚)展開罵戰。有指當時Chil ...




其他影片:>>






娛圈生活從來五光十色,但到處都係明爭暗鬥。自從黎姿同商人馬廷強結婚之後,自此放棄燈紅酒綠嘅娛圈生活,之後仲為對方誕下三千金,o依家除咗幫細佬黎嬰打理皮膚護理中心外,就主力相夫教女,前塵嘅光輝盡化一縷青煙。樣貌標緻嘅黎姿,喺佢淡出呢個名利圈前,除咗有唔少緋聞,亦不時惹上是非,好似喺97年,黎姿同張智霖拍攝電影《豪情蓋天》嘅時候,佢就同當時仲同ChiLam拍拖嘅袁詠儀(靚靚)展開罵戰。有指當時Chilam同黎姿要拍攝一場床戲,有周刊就報道話靚靚親身去到片場監場,但當時仲未做張太嘅靚靚到電台接受訪問時,就當眾發誓話自己冇去監場,仲話黎姿博宣傳。咁Chilam都幫女友講好話,話佢當日只係喺拍攝現場嘅樓下玩電腦,絕對冇監場喎!咁黎姿當然不甘示弱啦,佢接受電台訪問嘅時候就話:「我根本唔使宣傳,乜有咁嘅需要咩?」對於靚靚嘅指摘,黎姿仲話:「我真係好想叫佢用腦諗清楚,究竟知唔知道自己講緊乜,o依家邊個喺度博宣傳都唔知!」除咗叫靚靚用腦諗清楚,黎姿仲話靚靚譁眾取寵㖭!仲有唔知大家仲記唔記得04年《萬千星輝頒獎典禮》,《金枝慾孽》四主角佘詩曼、張可頤、鄧萃雯同黎姿一齊爭視后,原本呢個獎係飾演如妃嘅鄧萃雯嘅囊中之物,連英國網上博彩公司以一賠四嘅盤口列如妃為大熱門,點知最後爆冷門,由黎姿飾演嘅「玉瑩小主」搶走,令網民鼓譟,仲盛傳話黎姿當年因為簽無綫做經理人而贏獎,搞到佢都覺得好委屈。

當年黎姿同張智霖拍攝《豪情蓋天》嘅一場床上親熱戲,同靚靚展開隔罵戰。(《豪情蓋天》劇照) 黎姿性感演出。(《豪情蓋天》劇照)
呢場床戲搞到滿城風雨。(《豪情蓋天》劇照) 04年,黎姿憑《金枝慾孽》奪得視后。(資料圖片) 奪得視后,但失民心,黎姿 在 《 香 港 直 播 》 中痛哭表示自己並非簽約換獎。(資料圖片)
《金枝慾孽》劇照 《金枝慾孽》劇照 《金枝慾孽》劇照
o依家袁詠儀同張智霖已經結咗婚,仲係圈中出名嘅恩愛夫妻。(資料圖片)

來源 source: http://s.nextmedia.com
鍾意就快D Share啦!