蘇永康(阿公)日前接受《蘋果》訪問時已表明，不介意被重提他2002年在台灣涉毒事件，更稱：「(略)我冇選擇去逃避刑責，我一樣返去觀察戒勒十日，結果我得到公平裁決，我係冇任何犯罪紀錄，可以攞良民證移民，所以我覺得做錯事要認，要承擔責任。」當年康仔憑一首《越吻越傷心》紅遍中港台，02年仲喺紅館開個唱，點知開騷前一個月，就喺台北瀨嘢。6月8日清晨，康仔去台北「TeXound」酒吧狂歡，期間台警突擊搜查， ...
蘇永康(阿公)日前接受《蘋果》訪問時已表明，不介意被重提他2002年在台灣涉毒事件，更稱：「(略)我冇選擇去逃避刑責，我一樣返去觀察戒勒十日，結果我得到公平裁決，我係冇任何犯罪紀錄，可以攞良民證移民，所以我覺得做錯事要認，要承擔責任。」當年康仔憑一首《越吻越傷心》紅遍中港台，02年仲喺紅館開個唱，點知開騷前一個月，就喺台北瀨嘢。6月8日清晨，康仔去台北「TeXound」酒吧狂歡，期間台警突擊搜查，發現康仔伏喺梳化，褲頭鬆脫，仲有包嘢跌落地，康仔想執但俾台警踩實，因涉嫌藏有搖頭丸被扣查。最終康仔被判服食二級毒品MDMA罪成，喺台灣勒戒11日後獲釋。事隔多年，這件陳年舊事因為蘇永康的「生仔論」再被提起。今晚蘇永康到灣仔君悅出席宗教晚宴活動時，再次表示不介意傷疤再被揭，更自爆勒戒後，一次去申請美國簽證：「差唔多申請到，就收到電話，嗰個小姐好禮貌同我講，移民官想我做詳細身體檢查，make sure我身體無毒品，我好配合去做，當然結果係negative，成功申請到VISA。」講到其時裝品牌高層老婆Anita有喜5個月，蘇永康就多謝大家祝福：「太太呢後時間得到好好照顧，我哋兩個單位黐埋，阿媽日日朝早都行嚟行去，唔停問阿珊想食乜，照顧得佢好好，阿媽好似後生咗20年，太太都應該好好照顧自己。」佢又話太太之前要外出公幹都有阻止：「佢就快又要飛，不過歐洲人公司啲產假好完善，遲啲有得放啦。」
