掃呢頁CODE去手機

2016年12月20日 星期二

【10月開始拖糧】「刁蘭」專用健身中心 胡定欣教練:CEO搞緊清盤 __,定欣,刁蘭,胡定欣,

胡定欣同袁偉豪喺大台嘅頒獎禮,分別贏最佳女主角同最受歡迎男角色,喺台上面佢哋都分別多謝健身教練梁嘉倫(Alan),可以做到星級嘅健身教練,又喺頒獎禮上面俾人點名多謝,成為健身界紅星都指日可待啊!不過日前有自稱喺Alan間健身中心做嘅讀者報料,話Alan已經有2個半月冇出糧,仲叫佢哋唔使返公司。位讀者話:「全部人都收到WhatsApp話唔使返,不過就話如果有客上堂可以自己帶客上去上堂,不過已經幾乎冇 ...




其他影片:>>






胡定欣同袁偉豪喺大台嘅頒獎禮,分別贏最佳女主角同最受歡迎男角色,喺台上面佢哋都分別多謝健身教練梁嘉倫(Alan),可以做到星級嘅健身教練,又喺頒獎禮上面俾人點名多謝,成為健身界紅星都指日可待啊!不過日前有自稱喺Alan 間健身中心做嘅讀者報料,話Alan已經有2個半月冇出糧,仲叫佢哋唔使返公司。位讀者話:「全部人都收到WhatsApp話唔使返,不過就話如果有客上堂可以自己帶客上去上堂,不過已經幾乎冇客。」佢仲透露自從10月開始已經冇糧出,但係見到佢行出嚟仲好風光,所以唔知發生緊乜事,位讀者話:「問Alan出糧,佢就話唔關佢事。其實之前係有兩個老闆,佢係其中一個,另一個已經好耐冇返。不過佢喺Artist面前會話自己係老闆。」讀者又指近幾個月經常收到唔同公司打電話嚟追數:「飲品公司、毛巾清潔公司,就連租都試過畀人追。健身中心嘅經理話會代佢哋去勞工處,Alan今日返過公司,不過就乜嘢都冇講。」Alan今日接受電話訪問,佢承認健身公司欠薪事件,佢話:「係呀,冇出糧呢個我知呀,係因為個CEO搞緊清盤,我哋都請咗律師。係個CEO不嬲負責出糧同行政,我只係前面做教堂。o依家清盤可能成班人要上勞工處,呢個已成定局。」Alan話健身中心有機會執笠,要睇新買家傾成點,佢解釋話:「不嬲都唔係我出糧,都係打工,雖然我都係投資者之一,但我唔係老細,商業登記我都係佔好細股份,o依家都係等。」佢強調搵咗律師處理,自己都有影響,但就唔方便講咁多嘢。講到胡定欣同袁偉豪攞獎時多謝佢,Alan話:「呢啲都係表面嘢啫,正常幫人training都多謝你。」

胡定欣健身教練Alan(小圖)承認中心會清盤。 胡定欣之前成日貼做GYM相,不過對上一張,正好係7個星期之前。(胡定欣Ig圖片) 胡定欣喺頒獎禮有多謝Alan(黑衫)。(胡定欣Ig圖片)
袁偉豪(右)好大隻,都係跟Alan健身。(袁偉豪Ig圖片) (袁偉豪Ig圖片)

來源 source: http://s.nextmedia.com
鍾意就快D Share啦!