2016年12月31日 星期六

【月入$11,000】崔建邦窮到要拎番八達通按金開飯 寫悔過書 __,崔建邦,

曾經被視為陳志雲頭號愛將嘅崔建邦,當日因為志雲捲入涉貪事件被無綫停職後,一度為保飯碗而離棄,再加上涉打前女友鄺敏慧及醉駕搞到形象插水,之後有傳喺志雲回歸無綫後,不計前嫌幫佢搵到份PA,俾佢由低做起,好彩最後佢可以復出幕前。今日有周刊報道話,人生經歷大喜大跌嘅崔建邦,喺訪問上直言呢段間感受到好多人情冷暖,以前賺大錢嘅時候,生活過得好揮霍,見到鍾意嘅嘢,諗唔到諗就會買落嚟,直到做咗PA,每個月 ...


曾經被視為陳志雲頭號愛將嘅崔建邦,當日因為志雲捲入涉貪事件被無綫停職後,一度為保飯碗而離棄,再加上涉打前女友鄺敏慧及醉駕搞到形象插水,之後有傳喺志雲回歸無綫後,不計前嫌幫佢搵到份PA,俾佢由低做起,好彩最後佢可以復出幕前。今日有周刊報道話,人生經歷大喜大跌嘅崔建邦,喺訪問上直言呢段間感受到好多人情冷暖,以前賺大錢嘅時候,生活過得好揮霍,見到鍾意嘅嘢,諗唔到諗就會買落嚟,直到做咗PA,每個月$11,000人工,開工食飯盒,收工就返屋企,但就算冇乜娛樂,經濟好快陷入谷底,試過日日計住自己剩返幾多錢,最窮嘅時候,連八達通嗰50蚊按金,都要拎番出嚟用,真係感到窮嘅滋味。阿邦仲話本來一直同媽咪喺清水灣住村屋,但係因為有一次媽咪俾狗咬,所以佢決定要搬走,但係資金唔多,最後媽咪搬咗去天水圍住,阿邦就住喺旺角嘅小型酒店。及後阿邦寫咗封悔過書俾媽咪,佢話好多問題都係由自己引起,佢唔單止自己照顧唔到,連家用都負擔唔到,所以佢要同媽咪講對唔住,仲承諾一定會接佢返屋企一齊住。佢又話呢段時間得到好多朋友支持,好似化妝間啲同事,鄭秀文亦都成日鼓勵佢,阿邦話仲有一個古姓藝人,但係佢唔想開名住,希望到事業有成先公開。至於同林珊珊個女野人拍拖,阿邦話0依家了解中,雖然有成家立室嘅打算,不過覺得好多嘢都未係時候,等經濟有能力先可組織家庭。

崔建邦曾被指為咗飯碗背棄陳志雲,令人覺得佢反骨。(資料圖片) (資料圖片) 阿邦話好多嘢都係自己嘅問題,試過寫信同媽咪道歉。(資料圖片)
阿邦話同林珊珊個女「野人」了解中,想結婚,但依家係時候。(資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...