掃呢頁CODE去手機

2016年12月29日 星期四

收埋男友換獎 李佳芯又斷正 [壹週刊 - 1399] __,李佳芯,M1,

探熱針收埋男友換獎 李佳芯又斷正有得就有失!為擔正做女一,李佳芯放棄同viuTV主持男友陳炳銓西貢同居。在剛過去的「萬千星輝頒獎禮」揮低大熱劉佩玥、朱千雪奪得「飛躍進步女藝員」的她,更向公司承諾將戀情進一步密封。講得出做得到,約好男友在又一城見,李佳芯零妝戴帽戴眼鏡,平凡到幾乎認唔出;點知陳炳銓唔生性,要女友踱來踱去三粒鐘先蒲頭,鬼祟約會斷到正,難得李佳芯仲識笑,果然好戲。易容行商場等仔素顏戴了眼 ...


探熱針

收埋男友換獎 李佳芯又斷正

有得就有失!為擔正做女一,李佳芯放棄同 viuTV主持男友陳炳銓西貢同居。在剛過去的「萬千星輝頒獎禮」揮低大熱劉佩玥、朱千雪奪得「飛躍進步女藝員」的她,更向公司承諾將戀情進一步密封。

講得出做得到,約好男友在又一城見,李佳芯零妝戴帽戴眼鏡,平凡到幾乎認唔出;點知陳炳銓唔生性,要女友踱來踱去三粒鐘先蒲頭,鬼祟約會斷到正,難得李佳芯仲識笑,果然好戲。

易容行商場等仔

素顏戴了眼鏡和帽的出爐「飛躍進步女藝員」得主李佳芯,要不是將漁夫帽拉到近眼簾,更易走漏眼。

大時大節,又一城商場四圍都係人,李佳芯一邊傾電話,一邊漫無目的四圍行,但大家都未有察覺這個大台上位花旦。最後,她索性匿埋一角煲電話粥,一傾大半小時,才捨得收線。

在商場閒逛,李佳芯目標明確,只對減價的鋪頭有興趣,雖然自己一個,但她的戒備心不減,只要有途人行近,便由頭 scan落腳,甚至刻意耷低頭,避開同其他人有眼神接觸。首飾、精品店逐間睇,之後轉去正值大減價的 H&M,在大片衫海中,李佳芯忘我「尋寶」,玩足兩小時才拍板買。

由六點行到接近九時半,收到一個電話後,李佳芯即急步離開商場,遊又一城三小時,原來是等揸住四驅車到的陳炳銓,斷到正,已經上了車的她馬上落車,避開記者狂影二人合照。「 Hello! Hello!已經跟咗好耐囉,都應該,哈哈!……冇化妝,唔好影得咁清楚!」李佳芯笑笑口說。

坐正做女一,李佳芯依然好慳家, shopping只吼減價貨。

素顏漁夫帽的李佳芯,匿埋商場一角煲電話粥。

會男友斷正,李佳芯極速落車避開同陳炳銓合照。

轉投大台短短三年多,李佳芯已坐正,今年還攞埋「飛躍進步女藝人」,除因高層余詠珊照住,最重要是聽教聽話。

起步遲要發力追

李佳芯表現避忌,據知和她答應公司將戀情進一步密封,結果成功砌低其他強手奪得「飛躍進步女藝員」有莫大關係。

「 Ali(李佳芯)成三十歲先嚟拍劇,起步比人慢,所以要好努力,今年頒獎禮競爭咁大,公司都肯 offer個交換條件俾自己,佢梗係𦧲飯應」一名無綫人說。

機會可一不可再,獲獎後被問到何以未有多謝男友陳炳銓時,李佳芯大耍太極,「邊個係我男朋友?如果有老公,會多謝老公!」

愛情同事業,李佳芯心中有把秤。

劇接劇的李佳芯獲公司「特許」,唔使再做資訊節目《學是學非》。

加簽賣身契後,李佳芯頂替離巢的楊怡,擔正同羅嘉良合作重頭劇《與諜同謀》。

撰文、攝影、攝錄:娛樂組


鍾意就快D Share啦!