掃呢頁CODE去手機

2016年12月29日 星期四

李蕙敏買化妝品先試妝 [壹週刊 - 1399] __,李蕙敏,M1,

李蕙敏同店員有講有笑,明顯係長期幫襯嘅熟客。同你吟一吟李蕙敏買化妝品先試妝女人要shopping,由底到面,從頭到腳,再揀埋屋企嘢,真係買到破產都得。購物癮極深,試過因為欠卡數周身蟻嘅李蕙敏,嫁咗個屋企開珠寶店嘅鬼佬老公Serge,shopping更加暢快爽手。呢日Amanda選擇買化妝品,喺金鐘廊間MAC,樣樣揀啲,仲即時試用,呢度搽吓,嗰度搽吓,差不多補晒成個妝。人妻唔使再忍手,不過明顯係熟客 ...


李蕙敏同店員有講有笑,明顯係長期幫襯嘅熟客。

同你吟一吟

李蕙敏買化妝品先試妝

女人要 shopping,由底到面,從頭到腳,再揀埋屋企嘢,真係買到破產都得。

購物癮極深,試過因為欠卡數周身蟻嘅李蕙敏,嫁咗個屋企開珠寶店嘅鬼佬老公 Serge, shopping更加暢快爽手。呢日 Amanda選擇買化妝品,喺金鐘廊間 MAC,樣樣揀啲,仲即時試用,呢度搽吓,嗰度搽吓,差不多補晒成個妝。

人妻唔使再忍手,不過明顯係熟客嘅 Amanda都算克制,試清試楚先落手,多多少少都幫襯吓,冇令個相熟店員食白果。

睇啱啲乜都好,李蕙敏會即場試上塊面,再同相熟店員研究效果好唔好!

試清楚之後,李蕙敏終於打開荷包,找數!

老公 Serge做銀行,屋企喺英國仲有幾間珠寶店,李蕙敏都算苦盡甘來。

撰文︰八珍


鍾意就快D Share啦!