掃呢頁CODE去手機

2016年12月1日 星期四

佗 B女 5個月 趙勁皓盧頌之雞年結婚 [壹週刊 - 1395] __,趙勁皓,盧頌之,M1,

佗B五個月的DaDa已現水腫,不想肚大大見報的她,長期穿外套遮肚。探熱針佗B女5個月 趙勁皓盧頌之雞年結婚趙勁皓(King)與女友盧頌之(DaDa)拍拖三年,不時在社交網放閃。十一月初,King在ig公開對DaDa一生一世愛的承諾,以為他求婚成功,原來生米已煮成熟飯,女友DaDa佗B女五個月,兩人有共識,等女兒出世後才結婚。計劃內佗B以為未婚生女,DaDa呢鋪出於意外,但原來有BB是計劃之事。「係 ...


佗 B五個月的 DaDa已現水腫,不想肚大大見報的她,長期穿外套遮肚。

探熱針

佗 B女 5個月 趙勁皓盧頌之雞年結婚

趙勁皓( King)與女友盧頌之( DaDa)拍拖三年,不時在社交網放閃。十一月初, King在 ig公開對 DaDa一生一世愛的承諾,以為他求婚成功,原來生米已煮成熟飯,女友 DaDa佗 B女五個月,兩人有共識,等女兒出世後才結婚。

計劃內佗 B

以為未婚生女, DaDa呢鋪出於意外,但原來有 BB是計劃之事。「係計劃之內,我俾一年時間佢,如果佗唔到 BB就分手,嗰陣時真係咁同佢講,我要傳宗接代嘛!」 King十足大男人。原定與 DaDa今年做齊結婚生仔,點知撞正他要參加健美先生選舉、健身店開分店及開酒吧,公事繁忙,惟有將婚事延期。

半個月前, King在個人 ig公開對 DaDa的承諾,原來係補鑊。「其實係我激嬲咗佢,佢話我冇時間陪佢,所以出個 post氹番佢。去到我呢個年紀,事業有基礎,覺得個女人係啱嘅,唔怕俾呢個承諾。」 King說。

拍拖三年, King與 DaDa互相了解,縱然時有拗撬,但很快冇事。

女友 DaDa佗 B五個月, King計劃在女友十二月四日廿七歲生日當天,將好消息正式公布。

King與 DaDa都鍾意小朋友,每次見到朋友的 BB,都會爭住抱來合照。

十一月初, King在網上公開對 DaDa一生一世的愛的宣言,原來當中有段古仔。

去年, King已在嵐山置業,成為業主,今年再添多一個物業,對未來的生活很有計劃。

產後才結婚

每個重要時刻, DaDa都會在 King身旁,這份精神支持對他來說比任何東西重要。

雖然 DaDa佗 B已經五個月,但 King還未求婚。 King續說:「其實我 plan咗啲嘢俾佢,但呢排真係太忙,我諗準備完比賽就會做!佢佗 B肥咗,基本上影唔到結婚相,都係等佢生咗先搞。」把口唔着緊,其實乜都有晒計劃的 King,待十二月完成比賽後,就着手籌備婚禮。

廣告都有講,養一個小朋友要四百萬,向來未雨綢繆的 King,早在未有 B女前已為下一代着想,他說:「我對金錢規劃做得幾好,依家已經買咗儲蓄保險俾個女,到佢出世或要用錢時,已經儲到有筆錢喺度。」與 King拍拖三年的 DaDa變乖晒,不再任性。 DaDa說:「同佢一齊我改變咗好多,以前好多嘢都懶懶閒,但佢會教我做嘢要上心,要腳踏實地啲。」

希望回饋社會

今年廿八歲的 King,除了是藝人外,更是兩間健身店、一間酒吧、三間餐廳的老闆,「我好想做啲社區服務嘅嘢,而家同一個慈善機構叫主力場嘅合作,搞好多慈善嘢,義教、派月餅等,希望可以做到(回饋社會)呢樣嘢。」

為了十二月六日的本地賽, King操得很 fit,希望在賽中能得到頭三名,再進身參加 Mr. Olympia。

King早前在 Wffpro的健美大賽中連奪三獎,對他而言是很大的鼓勵。

甚有生意頭腦的 King,在酒吧製作健身飯盒,再賣給健身學員,提供一條龍服務。

King投資開的 King's Fitness,未夠兩年已開分店,發展順利。

未婚懷孕

King與 DaDa未婚先有餡,在娛圈內未婚懷孕大有人在,先生產後結婚並不是奇事。

吳若希

吳若希( Jinny)與闊少男友 Alex拍拖年多,今年 9月突然宣布分手,並宣布停工,直到 11月中, Jinny接受大台訪問,直認未婚佗 B女 3個多月,待產後收身會全面復出。

吳佩慈

未婚的吳佩慈先後於 14及 15年為百億富商男友紀曉波誕下長女「小蕊蕊」( Hillary)及次子 Hans,已為人母的吳佩慈全心做紀曉波背後的女人,至今二人仍未結婚。

梁洛施

09年,未婚的梁洛施在美國為李澤楷誕下兒子李長治,翌年再為他誕下一對孖仔 H&N,兩人一直未有結婚,直到 11年發聲明宣布分手。

撰文、攝影、攝錄:娛樂組


鍾意就快D Share啦!