掃呢頁CODE去手機

2016年12月3日 星期六

【召喚王宗堯】天線得得B迎賓 洗米華「睇中」蔡潔:乜你越嚟越靚嘅? __,蔡潔,洗米華,王宗堯,周焯華,宗堯,

太陽娛樂噚晚喺將軍澳一酒店舉行聖誕派對,旗下藝人包括方力申(小方)、崔碧珈、曾國祥、薛凱琪(Fiona)、蔡潔、沈震軒、KevinBoy(KB)同J.Arie等人都有到場。身穿白色上衣嘅方力申話個look係cyberlook,轉個頭就見到KB着到楊利偉太空人look咁現身,佢話套衫好環保,因為上星期先着過嚟出席第二個活動。咁公司開P,老闆周焯華(洗米華)當然都有現身同員工happy吓,咁啱KB同兩 ...




其他影片:>>






太陽娛樂噚晚喺將軍澳一酒店舉行聖誕派對,旗下藝人包括方力申(小方)、崔碧珈、曾國祥、薛凱琪(Fiona)、蔡潔、沈震軒、Kevin Boy(KB)同J. Arie等人都有到場。身穿白色上衣嘅方力申話個look係cyber look,轉個頭就見到KB着到楊利偉太空人look咁現身,佢話套衫好環保,因為上星期先着過嚟出席第二個活動。咁公司開P,老闆周焯華(洗米華)當然都有現身同員工happy吓,咁啱KB同兩隻天線得得B,仲有一個外星人打扮嘅同事落樓遇着周生,佢哋順手接老闆,唔知係咪因為周生仲有啲童心,定係佢知道得得B個真身,見佢一見到啲得得B就心情勁靚,未停過笑。估唔到堂堂一個澳門賭業猛人會因為得得B而咁開心……又咁啱得咁橋,蔡潔喺工作人員應記者要求下現身,既然撞見老闆周生,梗係埋位影張相點知周生就好風騷話:「嘩!撞鬼咩你?乜你越嚟越靚嘅?」周生心情應該仲靚。另外,Fiona受訪時話自己原本都諗咗個造型,但係因為難準備,加上唔太襯自己,所以就放棄咗。提到近日圈中喜事多,Fiona就話都會戥大家高興,但佢誠心咁「告誡」班姊妹:「千祈唔好因為去得朋友嘅婚宴多,思維其實要清晰啲,唔好一味得個恨,唔好覺得人有你又有,人要你又要咁,那怕你要趕上呢個步伐好似唔係咁好囉!」Fiona仲話自己好好彩,冇被爹哋媽咪催婚生仔,再講到佢個舊同事周柏豪近日低調結婚,佢話事前唔知:「我覺得咁樣做(低調)係啱o架,畀着我都未必會通知咁多人,我都有諗吓或者我結婚都會咁樣低調就算,平日出碟拍戲宣傳都要做訪問,我唔想到結婚嘅時候都要nicam咁樣做訪問。結婚我唔要咁樣呀,想安靜啲,但現時未有對象。」係咯,到你有對象先慢慢諗啦……

採訪、攝影:吳耀輝、孔子、卓寶花 洗米華遇上得得B逐格格 外星人好friend咁攬住洗米華
洗米華睇嚟真係俾外星人o氹到
洗米華真係好開心咁,點解呢? 又風騷讚蔡潔 仲一齊入場o添
喺酒店門口遇到太空人KB嘅Fiona,反應係掩住口。 Fiona、KB Fiona話諗過一個特別造型嚟,但最後冇搞到。
崔碧珈性感現身,曾國祥同行 沈震軒、J. Arie 方力申呢個look叫cyber look……喎

來源 source: http://s.nextmedia.com
鍾意就快D Share啦!