掃呢頁CODE去手機

2016年12月13日 星期二

【得意星二代】蟹仔持「槍」狂奔 呂慧儀踎低陪囝囝揀玩具 __,呂慧儀,

身高1.77米、有「長腳蟹」之稱嘅06年港姐季軍呂慧儀,喺11年嫁畀港男黃文迪(Dickson)後,仍然活躍娛圈,但佢仍會抽時間照顧已經兩歲幾大嘅囝囝黃柏翹(Anton)。日前呂慧儀一家三口,同兩名女性友人,一齊喺銅鑼灣City'super現身,老公Dickson推住架購物車,囝囝Anton落地自己行,去到零食部,素顏嘅呂慧儀踎低同囝囝揀玩具,其間有傾有講,最後Anton仔揀咗把槍仔玩具,一行3人 ...




其他影片:>>






身高1.77米、有「長腳蟹」之稱嘅06年港姐季軍呂慧儀,喺11年嫁畀港男黃文迪(Dickson)後,仍然活躍娛圈,但佢仍會抽時間照顧已經兩歲幾大嘅囝囝黃柏翹(Anton)。日前呂慧儀一家三口,同兩名女性友人,一齊喺銅鑼灣City'super現身,老公Dickson推住架購物車,囝囝Anton落地自己行,去到零食部,素顏嘅呂慧儀踎低同囝囝揀玩具,其間有傾有講,最後Anton仔揀咗把槍仔玩具,一行3人去畀完錢之後,Anton仔揸住支槍一馬當先跑出店外,好開心咁!呂慧儀出到嚟撞見記者,好nice咁揮手打招呼,Dickson亦好好笑容,呂慧儀仲教囝囝同記者打招呼:「叫哥哥同哥哥玩啦。」Dickson噚日透過電話表示囝囝兩歲幾,已經返緊學前班,唔算怕陌生,因為係男仔,所以都係鍾意玩槍呀嗰啲,問佢哋係咪成日買玩具畀囝囝,Dickson話:「未必,睇啱先買,囝囝睇咗一本書,教環保嘅,佢大約知道唔可以浪費,所以有時會因為太多玩具而唔買。」被問到會唔會追多一個B陪吓囝囝,Dickson話:「順其自然啦,上天畀就會有,但就未有計劃。」問到佢囝囝跟邊個多啲?Dickson話:「佢好識睇眉頭眼額,我喺度就跟我,媽咪喺度就跟媽咪。」至於嚟緊聖誕節,Dickson話要睇吓老婆使唔使開工,因為自己一個湊唔掂,所以未諗會唔會出外去旅行。

(攝影:梁繼光) Anton仔叻仔又乖仔,拖住大人就可以四圍行,唔使黐實媽咪呂慧儀(左)。 Anton仔咁乖仔,連同行嘅姐姐都摸吓佢頭仔。
Anton仔趷高腳揀玩具 媽咪呂慧儀都有畀啲意見 Anton仔一路槍不離手
呂慧儀同Dickson都有再揀吓 最後決定扑錘畀錢 好心急咁樣
一槍到手,Anton仔大暴走。 Dickson同呂慧儀見到被影都好好笑容,仲教埋囝囝要叫人,真係好家教。

來源 source: http://s.nextmedia.com
鍾意就快D Share啦!