掃呢頁CODE去手機

2016年12月2日 星期五

李漫芬破格演貪錢大嫂犯眾憎 __,李漫芬,

Fanny呢個貪錢大嫂角色真係夠晒乞人憎。將升呢人妻嘅無綫娛樂主播李漫芬(Fanny)天生擁有性感豐唇,曾被封「翻版舒淇」。喺多年前,有傳李漫芬親自喺舒淇面前直指覺得大家有共通點,令舒淇一度不知如何反應,呢個訪問最為人津津樂道。其實Fanny除咗主播一職外,亦不時客串劇集,算係公仔箱嘅活躍份子!喺近期無綫熱播劇《致命復活》裏面,Fanny都有份演出,飾演郭晉安(安仔)嘅大嫂。被醜化成孖寶兄弟正所謂 ...




其他影片:>>






Fanny呢個貪錢大嫂角色真係夠晒乞人憎。

將升呢人妻嘅無綫娛樂主播李漫芬(Fanny)天生擁有性感豐唇,曾被封「翻版舒淇」。喺多年前,有傳李漫芬親自喺舒淇面前直指覺得大家有共通點,令舒淇一度不知如何反應,呢個訪問最為人津津樂道。其實Fanny除咗主播一職外,亦不時客串劇集,算係公仔箱嘅活躍份子!喺近期無綫熱播劇《致命復活》裏面,Fanny都有份演出,飾演郭晉安(安仔)嘅大嫂。

被醜化成孖寶兄弟

正所謂「(錢錢錢錢 錢錢錢錢)成日要錢多(錢錢錢錢 錢錢錢錢)幹水乜都渦(錢錢錢錢 錢錢錢錢)借錢最折墮(錢錢錢錢 錢錢錢錢)爬低翳契哥(錢錢錢錢 錢錢錢錢)……」老實講,錢邊個會嫌多?喺《致》裏面,Fanny飾演一個極之勢利、乜都以錢行先嘅貪錢大嫂,講嘢又尖酸刻薄。網民一早已經睇唔過佢嘅行為,上網留言鬧爆佢係貪錢嘅女人。而myTV SUPER專頁近日仲好似嫌網民嘅留言唔夠激,專登將Fanny貪錢嘅惡行輯錄成一段短片,更火上加油直呼佢係新一代「八婆兼貪錢之霸」!為咗吸引更多觀眾,片頭Fanny被醜化成「孖寶兄弟」,捐窿捐罅周圍吸金。

網民睇得激心狂鬧爆

短片輯錄失蹤10年嘅安仔啱啱返到屋企,又未搵到工,真係想搵個仙刮吓沙都冇!而身為大嫂嘅Fanny不但冇津貼安仔嘅生活費,反而當住安仔面前直呼「長貧難顧」,要收番啲生活費。後來安仔想去越南搵證據,想證明係越南當局疏忽,而累佢被困荒島10年冇人搵到,然後向越南追討賠償。Fanny一聽到追討賠償,就即刻入房攞錢借畀安仔做水腳。原來安仔此舉都好有居心,佢想付出少少錢,到安仔追討賠償後可以收穫多多。有網民講笑話想將呢貪錢大嫂送去餵野獸,有人覺得咁都未算係最好嘅懲罰,仲話應該送佢去荒島,等佢捱吓苦頭,十年之後先接佢返嚟現實。當然亦都有網民維護Fanny,不勝其煩咁同其他網民解釋,直指Fanny貪錢都係劇情需要,仲讚佢演得好先至會有咁多人憎!

網民有話兒

手XX繁:呢個大嫂很討厭,拿去給猛獸做點心最適合。

hkXXXws:好彩我個大嫂唔似佢啫,有呢啲大嫂真係家門不幸。

FDXXDG:條女個樣雖然唔出眾,不過都演得唔錯,可以演到咁刻人憎,好成功。

YASXXER:貪錢都係劇情需要啫,唔使懲罰呀!


來源 source: http://hk.on.cc
鍾意就快D Share啦!