2016年12月30日 星期五

【年度風雲人物】梁游理解梁天琦 政治變幻中嘆港人只聽贏嘅人講嘢 __,梁天琦,

2016年的大年初二,兩下震破旺角黑夜的響亮槍聲,開啟香港政治新局,不單令梁天琦走進舞台,成為勇武派明星,也令高舉本土和自決的梁頌恆和游蕙禎,成功走進議會。只是,大半年下來,面臨刑責的梁天琦,由「無底線抗爭」變了「有底線」;又由勇武變為他自己口中的「懦弱」。挾近六萬票入局的梁頌恆和游蕙禎,亦因為一場宣誓風波,觸發人大釋法及DQ潮,由贏變出局,與港府對薄公堂,不惜以破產代價上訴至終審法院。香港政壇風 ...




其他影片:>>






2016年的大年初二,兩下震破旺角黑夜的響亮槍聲,開啟香港政治新局,不單令梁天琦走進舞台,成為勇武派明星,也令高舉本土和自決的梁頌恆和游蕙禎,成功走進議會。只是,大半年下來,面臨刑責的梁天琦,由「無底線抗爭」變了「有底線」;又由勇武變為他自己口中的「懦弱」。挾近六萬票入局的梁頌恆和游蕙禎,亦因為一場宣誓風波,觸發人大釋法及DQ潮,由贏變出局,與港府對薄公堂,不惜以破產代價上訴至終審法院。香港政壇風雲變幻,果真變幻才是永恆。記者:呂麗嬋「呢段日子,唔係見律師,就係接受訪問」梁頌恆說。自9月選舉至今,與游蕙禎猶如「孖公仔」。事件備受關注,訪問這天,4個訪問,其中兩個是外媒,包括半島電視台的紀錄片。游形容:每日都似身在戰場。「不斷換場景,之前喺森林打,依家喺沙漠打」。梁游與梁天琦,3人俱是本土派標誌性人物,梁天琦選舉出閘遇阻,改梁頌恆頂上,梁游其後順利當選,卻鬧出宣誓風波,最終被取消議員資格。「傘運至今2年,每場仗都難打,係冇籌碼去輸,每一關都係靠贏去延續呢個故事」。梁頌恆說並無怪責出事後一直無影又「懦弱」的梁天琦。「係咪有必要再拉佢入嚟?面對嘅結果可能係即時還押,擔子唔應佢一個人孭晒」。他說:「我都叫大學畢業之後做過七年嘢,佢剛剛畢業,有咁嘅猶豫我理解,佢2018年一樣要面對刑責,嗰條係有機會坐十年嘅控罪」。革命不是請客食飯,走出虎度門,人人都得負上代價,梁頌恆直言,與游亦早有破產的心理準備。「訟費高昂,若個人身份考量,係咪值得?但對民選議員嚟講,有啲價值係要堅持同保護」。他說:「議會已是人類歷史上解決社會問題最和平嘅手段,當你連最和平手段都拎走埋,撫心自問,當社會出現問題,你會選擇用咩手段回應?似乎傾向都會係街頭戰」。作為青年新政的創辦人,梁不違言,贏,讓他看到希望和無限可能。「如青政喺區選冇贏過一席,可能就冇咗,根本唔會再參選立法會,香港人嘅習慣,係只會聽贏嘅人講嘢,因為證明到你有能力去贏,所以我哋嘅口號係:香港人要贏一次,如果輸咗,冇人會聽你再講,就唔會有今日」。人生環環緊扣,很多人問過他有無後悔宣誓「玩嘢」,他自言「有早知」根本不會參選。「如果俾我知道,選舉結果可以輕易被推翻,我根本唔會玩呢個遊戲,因為我根本解釋唔到我嗰個月喺度做咩?幫緊我嘅人喺度做咩?仆心仆命為咩?」他指出,青政當初成立,走的正是議會路線,希望透過選舉進入議會,宣揚政治理念,過關斬將入到議會,結果咁樣,他反問:就算plan C又如何?「傘運失敗之後留下嘅能量,諗方法證明冇輸晒,最直接係搞傘後組織。我個人嘅政治論述,搞青政時係零,今日都係牙牙學語,人哋講咩就去google吓」。梁謂,就算無青年新政,亦會有其他組織跑出。「可能換咗啲人,唔係梁頌恆、唔係游蕙禎,可以係其他」。時代,造就了他們。「對我自己而言,有得退梗係退,未踏入政圈前,我喺商業世界打滾,搵到兩餐,做吓港豬,得閒去吓旅行,但今日多咗個身份,係民選代議士,要選擇保護你覺得重要嘅價值,仍有能力,俾一個保護罩呢個制度」。通訊設備被入侵,長期被狗仔隊跟,他說,是代價。「今時今日,有革命計畫書都千祈唔好俾我,我只能選擇做一啲我可以做到嘅嘢,比如上訴、比如做戰靶,引開敵人」。他說:「如果其他傘兵一個都冇贏,香港人認咗命,死咗心,咁係咪代表天下太平?」傘後,他說香港需要續命丹,「選舉話俾本土派知,係有人BUY你,不同政治光譜,自決甚至獨立,係有人支持嘅」。梁、游謂,看到成長的地方淪落,不能坐視不理,亦有心理準備面對現實生活問題。「後悔係無用的情緒,只會令你更沉」。外表柔弱、實質剛強的游蕙禎,說這句時,仍是一貫的無尾音,很堅定。梁則說:「生活暫時還可以,上訴到終審法院的按金我俾唔起,飲杯咖啡、坐吓的士仲OK」。父親早逝、與媽媽及弟弟同住的梁頌恆,說不會要求家人經濟上支持自己。「我算好好彩,屋企人一直好包容我,佢哋知道我好煩,亦唔會再問,咁樣已經係最大嘅支持」。他說。

由贏變出局,甚至面臨破產,走過風雲變幻的2016,梁頌恆與游蕙禎說預了做戰靶,只能見步行步。(何柏佳攝) 梁頌恆說,就算無青年新政,亦會有其他組織跑出,「唔係梁頌恆、唔係游蕙禎,可以係其他」。(何柏佳攝) 「後悔係無用的情緒,只會令你更沉」。外表柔弱,實質剛強的游蕙禎說。(何柏佳攝)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...