2016年12月29日 星期四

【泳裝激索】陳寶珠珍藏青澀照曝光 __,陳寶珠,

嘩嘩嘩!「影迷公主」陳寶珠於中環出席新書發布會,同為「七公主」的馮素波、沈芝華到場支持,更上台接受寶珠送上的新書,而沈芝華親吻好姊妹時相當肉緊咀面珠,令手中的書亦不慎掉到地上。現場更有大批影迷到場,當寶珠一出場,影迷們即齊聲歡呼,大會更安排蛋糕為一月一日迎接七十歲生日的寶珠慶祝,眾人齊為她唱生日歌,相當熱鬧!為慈善晒珍藏照寶珠的新書一書三冊,除了有好友訪談外,更有三百多張珍貴照片,來自寶珠本人及粉 ...




其他影片:>>






嘩嘩嘩!

「影迷公主」陳寶珠於中環出席新書發布會,同為「七公主」的馮素波、沈芝華到場支持,更上台接受寶珠送上的新書,而沈芝華親吻好姊妹時相當肉緊咀面珠,令手中的書亦不慎掉到地上。現場更有大批影迷到場,當寶珠一出場,影迷們即齊聲歡呼,大會更安排蛋糕為一月一日迎接七十歲生日的寶珠慶祝,眾人齊為她唱生日歌,相當熱鬧!

為慈善晒珍藏照

寶珠的新書一書三冊,除了有好友訪談外,更有三百多張珍貴照片,來自寶珠本人及粉絲們的收藏,包括與前夫楊占美一家三口合照、婚照及難得一見的泳照等,寶珠說:「書裏面有300幾張珍藏相,好多都未見過,有啲自己影,有啲係粉絲拎出嚟。(三點式最亮眼?)係呀,當時天經(兒子楊天經)返咗學,屋企又有泳衣,冇嘢做咪自己影吓囉。原本諗住收埋,但今次做慈善,所以拎咗出嚟。(當時身形好弗喎!)依家仲弗。(再影寫真?)依家都有本錢嘅,但唔影啦,留畀啲後生影」

預留新書畀重要嘅人

講到新書推出限量版一千本,書上更有序號,書商更特別留給她1至10號書,問到準備送給誰?寶珠表示:「2號留畀任姐(任劍輝),因為佢叫二姑娘,9號書送畀仙姐(白雪仙),佢叫九姑娘,1號書就留返畀一月一日生日嘅自己,都有留畀仔仔(楊天經)同七公主。(生日準備點慶祝?)都係咁,冇咩特別,天經去咗上海拍嘢。(留香港慶祝?)仲未諗到點慶祝。」寶珠又表示要特別感謝拍檔及好友胡楓、梅雪詩、薛家燕等抽空接受訪談。

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!
Related Posts Plugin for WordPress, Blogger...