掃呢頁CODE去手機

2016年12月18日 星期日

女神男神:【人體舉重】環姐變力王 擔起壯男話咁易 __,女神,

舉重大力士唔一定係大隻佬或者肌肉女,其實可以係性感美女!曾經代表瑞典參加環球小姐選美嘅金髮索女KatarinaKonow轉戰體壇玩舉重,但就唔舉啞鈴,而係「舉人」!24歲嘅KatarinaKonow外表溫柔甜美,但原來係1位運動健兒,佢平時除咗練拳、健身之外,最鍾意玩「人體舉重」,就係將1個人打橫放上自己雙肩,踎底再站立,成個猛男擔起,同舉重動作非常相似。KatarinaKonow瘋狂愛上「人體舉 ...




其他影片:>>






舉重大力士唔一定係大隻佬或者肌肉女,其實可以係性感美女!曾經代表瑞典參加環球小姐選美嘅金髮索女Katarina Konow轉戰體壇玩舉重,但就唔舉啞鈴,而係「舉人」!

24歲嘅Katarina Konow外表溫柔甜美,但原來係1位運動健兒,佢平時除咗練拳、健身之外,最鍾意玩「人體舉重」,就係將1個人打橫放上自己雙肩,踎底再站立,成個猛男擔起,同舉重動作非常相似。

Katarina Konow瘋狂愛上「人體舉重」,去到見人就舉嘅程度,唔止舉起小朋友、女性,甚至近200磅嘅大男人,佢都舉得起。Katarina Konow由弱質纖纖變成大力士,當然係下過一番苦功,定時去健身室舉鐵練習,但並冇一身肌肉粗獷感,而係保持選美時優雅身材,令人非常羨慕。

Katarina Konow認為「人體舉重」唔止可以Keep Fit,而且情侶一齊玩,更加可以增添雙方情趣同感情。佢亦經常將自己「舉人」片段,放上社交網,希望有更多人參與,甚至將來奧運都加入「人體舉重」。

東網體育同你追實體壇每個精彩時刻! 

http://bit.ly/2ecTF2A 


來源 source: http://hk.on.cc
鍾意就快D Share啦!