2016年12月31日 星期六

嚇親翠如!蕭正楠自爆拍劇吊威吔頭落地 __,翠如,蕭正楠,正楠,黃翠如,

頭落地喎!阿蕭自己都話日膊頭同頸痛……藝人蕭正楠及女友黃翠如拍拖出席除夕活動,吸引大批粉絲撐場,相當墟冚。二人笑言要多謝大會邀請,否則正分開兩地拍劇的二人,沒有機會見面度除夕。阿蕭即場獻唱五月天名曲《溫柔》冧爆女友,翠如更回他一句:「好好聽,好叻呀!」小倆口又被安排手拖手整蛋榚,脫圍裙時阿蕭細心幫女友整理秀髮,全場起哄,認真sweet爆!受訪時阿蕭笑謂:「我數住,有成10日冇見過喇。」翠如即回道: ...


頭落地喎!阿蕭自己都話日膊頭同頸痛……

藝人蕭正楠及女友黃翠如拍拖出席除夕活動,吸引大批粉絲撐場,相當墟冚。二人笑言要多謝大會邀請,否則正分開兩地拍劇的二人,沒有機會見面度除夕。阿蕭即場獻唱五月天名曲《溫柔》冧爆女友,翠如更回他一句:「好好聽,好叻呀!」小倆口又被安排手拖手整蛋榚,脫圍裙時阿蕭細心幫女友整理秀髮,全場起哄,認真sweet爆!

受訪時阿蕭笑謂:「我數住,有成10日冇見過喇。」翠如即回道:「咁都有保持聯絡嘅,佢拍緊《超時空男臣》,近日好多人影佢喺馬路吊威吔嘅相畀我睇,真係好危險,佢又冇話我知。有一日阿廉(曹永廉)直播佢受傷嘅片畀我睇,但聽到阿廉語氣唔係太擔心,所以相信應該冇事。」

阿蕭吊威吔頭落地

阿蕭即自爆受傷經過謂:「我倒吊咗纏實咗條威吔,成個人頭落地跌咗落地墊,當時珍姐(曾勵珍)嚟咗探班,即刻攞藥酒幫我搽,休息幾分鐘我見冇乜事就繼續,不過翌日膊頭、頸開始痛。(去檢查吓啦。)我諗都要喇。(沖到涼?)原本阿廉話幫我沖,見佢捽梘個樣,我即刻自己沖」」翠如則笑指要感激「小三」阿廉代照顧男友。

分開做嘢冇得齊齊倒數

活動完結後二人再唱「分飛燕」,阿蕭要趕返佛山繼續開工,而翠如則可以返家,與家人食飯,日內再北上歸隊拍攝《使徒行者2》。至於聖誕、新年禮物,翠如繼續發揮慳妹本色,於社交平台「掏」禮物給阿蕭,而阿蕭則用視象電話「搖控」表弟代購女性衣飾用品給翠如。

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!
Related Posts Plugin for WordPress, Blogger...