2016年12月28日 星期三

頭髮濃密靚仔番 陳子聰High爆舉中指 __,陳子聰,

陳子聰出院經過幾個月休養後,睇嚟精神好番好多,仲High爆飲酒舉中指!藝人陳子聰在今年8月傳出因肝臟有事而入院,更有指期間他昏迷6日後出現失憶症狀。在9月出院後,雖然經手術同老婆何超儀貼身照顧後情況漸漸穩定,但好友徐濠縈意外上載其病照到社交網站而引起連串是非,更發現陳子聰面容同身形依然激瘦,同時仲有甩頭髮情況,未復其病前精神飽滿嘅狀態。不過雖然3個月前嘅佢情況依然令人擔心,但經過一段時間靜心休養後 ...


陳子聰出院經過幾個月休養後,睇嚟精神好番好多,仲High爆飲酒舉中指!

藝人陳子聰在今年8月傳出因肝臟有事而入院,更有指期間他昏迷6日後出現失憶症狀。在9月出院後,雖然經手術同老婆何超儀貼身照顧後情況漸漸穩定,但好友徐濠縈意外上載其病照到社交網站而引起連串是非,更發現陳子聰面容同身形依然激瘦,同時仲有甩頭髮情況,未復其病前精神飽滿嘅狀態。

不過雖然3個月前嘅佢情況依然令人擔心,但經過一段時間靜心休養後,現時身體已經好番好多,佢最近仲約埋組合廿四味成員聚會!見到子聰增磅唔少,佢仲留番招牌羊咩鬚,型佬味出番晒嚟!有成員留言話:「The ol'boys. Eat, chill and be happy. #24herbs #crew #sagittariusbday #chillin #awesome」意思即係話佢哋一齊食飯吹水好開心,仲幫射手座嘅朋友慶祝埋生日!

雖然有指佢行路仍有些少拐腳未算健步如飛,但完全唔需要用拐杖輔助,而頭髮變得似番以前般濃密,面上亦開始有少少肉地,情況不俗,教人鬆一口氣。

而另一張相,除咗有廿四味成員之外,仲見到關之琳舊愛黃家諾,見佢哋幾個男人除咗歎吓酒,仲擺出chok爆樣影相,子聰更加擺出多個表情,仲舉埋中指,精神相當唔錯!

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon 


來源 source: http://hk.on.cc
鍾意就快D Share啦!
Related Posts Plugin for WordPress, Blogger...