掃呢頁CODE去手機

2016年12月29日 星期四

Mark實何超蓮 方力申邁向菁英會 [壹週刊 - 1399] __,何超,方力申,何超蓮,超蓮,何超儀,M1,

名人動態Mark實何超蓮 方力申邁向菁英會今年三月,方力申宣布跟拍拖十年鄧麗欣分手後,上月被本刊踢爆他撻着賭王何鴻燊三房千金超蓮,二人同到尼泊爾拍拖做義工,又孖住為ViuTV電視節目錄音,何家千金更力讚小方是個好可靠的朋友。獲女友欣賞,為縮短跟千億何家距離,今個月中,方力申掹住朋友衫尾,參加權貴二代菁英會活動,還在競飲賽中跟莊氏集團太子爺莊家彬鬥飲啤酒,搶晒fo。好飲得由一班富二代組成的菁英會,早 ...


名人動態

Mark實何超蓮 方力申邁向菁英會

今年三月,方力申宣布跟拍拖十年鄧麗欣分手後,上月被本刊踢爆他撻着賭王何鴻燊三房千金超蓮,二人同到尼泊爾拍拖做義工,又孖住為 ViuTV電視節目錄音,何家千金更力讚小方是個好可靠的朋友。

獲女友欣賞,為縮短跟千億何家距離,今個月中,方力申掹住朋友衫尾,參加權貴二代菁英會活動,還在競飲賽中跟莊氏集團太子爺莊家彬鬥飲啤酒,搶晒 fo。

好飲得

由一班富二代組成的菁英會,早前在灣仔皇朝會舉行每年一度聖誕 P,去年有出席且極受歡迎的何超蓮,今年卻未見影;反而「好朋友」方力申,就由剛入會的委員陳緯邦帶住入場,現身派對。

「嗰晚有成兩百幾人參加,如果方力申唔係同 Bon Bon(陳緯邦)一齊參加啤酒競飲比賽,都未必有咁多人留意到,佢仲要同(莊)家彬喺台上鬥飲,家彬出名酒筲箕,佢都係慢咗少少,方力申都好飲得。」在場的菁英會員說。

身為一四年十大傑青,又有個開畫廊買賣藝術畫的老豆,曾經是港隊游泳代表的方力申,背景有番咁上下,但跟賭王女相比,依然有相當距離。

競飲賽

在競飲啤酒環節,新丁方力申玩得好投入,搶晒 fo。

超蓮同朋友去睇學友騷,咁啱方力申又去捧場,更在後台影合照,同係學友歌迷。

11月二人到尼泊爾做義工建學校,有默契地擺同一個 pose。

入會難

要融入女友富貴生活圈子,方力申亦不敢怠慢,搭通天地線,由一班權貴二代成立的菁英會聖誕活動開始。

「如果方力申真係要做會員,佢一定要多啲出席菁英會搞嘅活動,仲要幫手做嘢有貢獻,俾多啲會員認識,之後仲要有兩至三個人推薦入會,不過咁都未算係正式會員;佢仲要去北京讀一星期國情班,先有正式資格。」一名菁英會員說。

女友是賭王之後,被踢爆雙雙到尼泊爾做義工,方力申對戀情更謹慎,就算去睇張學友演唱會,二人亦分開去,睇前後兩晚。

做完義工回程返港,方力申跟超蓮在機場好 sweet,全程孖住行,方力申又遞水俾女友飲。

方力申同超蓮都係愛貓之人,兩個經常 po貓相。

城中不少富二代都是菁英會會員,楊受成兒子楊政龍(後左一)、四太女何超盈(後右三)、帶方力申去 P的陳緯邦(右一)以及劉鑾雄兒子劉鳴煒(前右三)。

莊家彬是今屆菁英會的副主席,過往亦有同霍啟剛一齊出席活動。

撰文、攝影、攝錄:娛樂組


鍾意就快D Share啦!