掃呢頁CODE去手機

2016年12月8日 星期四

食包灼傷嘴 驗出酸鹼度超標 陳浩民老婆:希望港龍 say sorry! [壹週刊 - 1396] __,陳浩民,M1,

探熱針食包灼傷嘴 驗出酸鹼度超標 陳浩民老婆:希望港龍saysorry!今年九月,陳浩民跟老婆蔣麗莎搭港龍機返香港,在進食航空公司所供應的麵包時,口腔竟遭灼傷,落機後要由救護車直接送往醫院,航空公司事後聲稱並未在當日所供應的麵包中有任何發現,「受害人」蔣麗莎更慘被網民指搏宣傳。但經過個多月調查,食環署報告卻驗出麵包酸鹼度超標,陳浩民說:「一般食物係七,但個麵包係十。」至於蔣麗莎亦表示:「希望港龍s ...


探熱針

食包灼傷嘴 驗出酸鹼度超標 陳浩民老婆:希望港龍 say sorry!

今年九月,陳浩民跟老婆蔣麗莎搭港龍機返香港,在進食航空公司所供應的麵包時,口腔竟遭灼傷,落機後要由救護車直接送往醫院,航空公司事後聲稱並未在當日所供應的麵包中有任何發現,「受害人」蔣麗莎更慘被網民指搏宣傳。

但經過個多月調查,食環署報告卻驗出麵包酸鹼度超標,陳浩民說:「一般食物係七,但個麵包係十。」至於蔣麗莎亦表示:「希望港龍 say sorry。」

麵包酸鹼度高達十

據了解,陳浩民夫婦事後親自將麵包送去食環署做化驗,早前收到電話通知,指導致「出事」的麵包酸鹼度超標,要作進一步詳細測試。

「一般食物係七,嗰個麵包係十,講晒啦。食環署話其實呢個係初步化驗,遲啲會有一個詳細報告;我要湊仔又要開工,唔得閒係咁日日追住,而家都係等電話通知。」陳浩民說。

事發後,第一時間將相 po上微博的蔣麗莎,獲知化驗結果後接受訪問說:「我同浩民唔係要啲咩賠償!如果佢哋話冇問題,但我哋呢度 check到有問題,咁中間係邊度出咗問題呢?搞到我哋好混亂。我唔想俾人覺得我同浩民講大話,好似為咗搏關注度搞大件事,其實我哋想大家關注食品安全同質素,所以好希望港龍同我哋 say sorry,還番一個清白。」

當日落機後即到北大嶼山醫院睇急症,報告指她「舌尖及下嘴唇內側疼痛兼且紅腫」。

食完包,蔣麗莎的嘴唇即起了一個「泡」。

她當日索性拎埋飛機餐的麵包去化驗。

甫落機,已經有救護車 stand by送她和陳浩民到醫院治理。

浩民食完即嘔

當日蔣麗莎被麵包灼傷嘴後,已第一時間跟機艙服務員反映,經機組人員試食後,他們隨即將所有麵包收起,冇再派給其他乘客。不過,當蔣麗莎將事件放上微博分享時,卻被網民指責她搏宣傳,召救護車之舉亦是浪費資源。

「我哋當時喺飛機,又點 call救護車呢?救護車係航空公司叫嘅,好多人誤會咗!當時我哋食嘅麵包係凍嘅,我咬咗幾啖就吞落肚,但浩民食完就即刻嘔番晒出嚟,我就冇!航空公司職員好好,驚我有事,所以先 call救護車送我哋入醫院。」陳浩民老婆說。

聖誕臨近,難得有時間的蔣麗莎陪女兒行商場試毛毛褸。

訪問當日,三女 Bella一直乖乖坐在媽咪身邊,直至媽咪要求啜啜,她又開心配合。

訪問結束,她又到學校接大女及二仔放學,好忙。

12年,第一個女兒出世幾個月,蔣麗莎帶住她去橫店探班。

13年,陳浩民帶老婆 high tea,抱住二仔 Cyrus的他,明顯攰爆。

七位數試水溫

生完第四個後的七個月,本來重了 50磅的蔣麗莎,已回落至 110磅,身形弗爆。

食麵包灼傷嘴,簡直百年難得一遇!但五年抱四,要全天候照顧三女一仔的蔣麗莎,亦無暇再去糾纏。加上機緣讓她結識到研發美容產品的教授,今年四月細女 Victoria出世後,蔣麗莎開始為自己美容事業打拼,不時要飛韓國、內地,周身唔得閒。

「我諗做生意好耐,點知年年大肚,個肚大咗又做唔到。之前喺大陸做咗個真人騷賺咗七位數,我攞住呢筆錢試水溫,如果做得好,浩民可能會幫我,再加碼!不過而家啱啱開始,我唔想攞老公錢,做咗生意後,我學到好多嘢,最重要係擴闊咗朋友圈。」蔣麗莎說。

她在內地有不少商演及廣告,陳浩民有時間也會去探班。

早前在內地拍真人騷《一起懷孕吧》,跟楊思琦和洪欣都有合作過,她亦一炮過袋走七位數酬勞。

今年 11月,她特登帶着大女及二仔去好友鍾麗緹婚禮,十分重視家庭樂。

有份投資出品的洗頭水「三棵姜」,她找來老公做代言人,當日拍廣告,她也有在現場打點。

難得一家人在香港,她愛做攝影師,幫小朋友影大合照。

醫生朱蘊晶:濃度再高會令食道留疤

陳浩民透過食環署化驗,得知出事的飛機餐麵包,酸鹼度超標,難怪一食成個嘴唇起水泡。本刊訪問家庭醫生朱蘊晶,她解釋若驗出食物含酸鹼度值高於標準,是酸濃度太高。「若驗出有十度,即係酸得滯。輕則食落口會起泡,好番唔會有咩後遺。但若果濃度再高,口腔接觸時間再長啲,有機會好番之後留疤,或喉嚨、食道起枕,令日後吞嚥時有障礙。」

撰文、攝影、攝錄:娛樂組


鍾意就快D Share啦!