2017年1月12日 星期四

失業羅鈞滿 全職瘟女 [壹週刊 - 1401] __,羅鈞滿,M1,

娛樂偵訊失業羅鈞滿 全職瘟女負面新聞一籮籮的羅鈞滿(Moon),被大台雪藏後,去年10月決定跟無綫提前解約,冇嘢撈,但一樣唔使愁,只因成功搭上有米新歡,拍拖半年,羅鈞滿已經登陸女友豪宅同居。早前,二人拍拖去玩機動遊戲,羅鈞滿拖實女友。望實打氣一五年,羅鈞滿被爆背住女友張文采搭上空姐,四年情即玩完。去年三月,又因為醉駕,被判社會服務令及停牌兩年,負面新聞纏身,形象插水,無綫決定放入雪櫃冷藏,令原本還 ...


娛樂偵訊

失業羅鈞滿 全職瘟女

負面新聞一籮籮的羅鈞滿( Moon),被大台雪藏後,去年 10月決定跟無綫提前解約,冇嘢撈,但一樣唔使愁,只因成功搭上有米新歡,拍拖半年,羅鈞滿已經登陸女友豪宅同居。早前,二人拍拖去玩機動遊戲,羅鈞滿拖實女友。

望實打氣

一五年,羅鈞滿被爆背住女友張文采搭上空姐,四年情即玩完。去年三月,又因為醉駕,被判社會服務令及停牌兩年,負面新聞纏身,形象插水,無綫決定放入雪櫃冷藏,令原本還有七年長約的他,決定提前解約。

失業冇有怕!羅鈞滿感情得意,去年已溝掂一有米女,拍拖半年,經常孖咇出巡。

早前羅鈞滿陪女友拍拖去中環「歐陸嘉年華」,入到場,先買代幣玩攤位遊戲熱身;玩拋波仔時,女友在旁全程心心眼望實羅鈞滿打氣,最後贏得公仔一大個!

之後二人會合朋友一齊玩機動遊戲,喪嗌喪玩三粒鐘後,羅鈞滿戴番囗罩,拖實女友離開,齊齊返歸。

「嘉年華」係拖友拍拖熱點,羅鈞滿當然唔會錯過。

戴番口罩,羅鈞滿主動拖實女友返歸。

玩攤位遊戲時,女友「心心眼」望實羅鈞滿拋波。

二人孖住玩機動遊戲,享受激情。

花心蘿蔔

原本在九龍區租屋住的羅鈞滿,溝掂有米女友後,經常於女友位於中半山豪宅香閨過夜,專心瘟女。

「之前阿 Moon因為 Sylvia(空姐)俾張文采發現搞到要分手,但佢同身邊朋友講,話大家一早有問題,分開係遲早嘅事,仲話自己同 Sylvia唔係玩玩吓,每次 Sylvia飛完返香港,阿 Moon一定入機場接機;但估唔到唔夠半年貨仔,轉個頭佢又溝掂個有錢女,飛咗 Sylvia!」羅鈞滿身邊友人說。

去年三月,羅鈞滿再次因為醉駕被判社會服務令及停牌兩年。

15年,羅鈞滿背住新聞部之花張文采偷嗒空姐 Sylvia,事後更被對方狠批他浪費了自己四年光陰。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...