掃呢頁CODE去手機

2017年1月19日 星期四

停工一年 老公婚前愛溝𡃁模 林夏薇執靚箝到實 [壹週刊 - 1402] __,林夏薇,𡃁模,M1,


唔再拍劇的林夏薇,多咗好多時間睇實老公。娛頭停工一年 老公婚前愛溝𡃁模 林夏薇執靚箝到實林夏薇15年嫁給大自己十五年、身家逾二十億的金融才俊莫贊生(Jason)後,收過五卡巨型鑽戒、匡湖居豪宅收租,打本開酒樓,另一半出手超級闊綽,不時送老婆大禮。不過,由於莫贊生婚前花弗更偏愛溝𡃁模,29歲的林夏薇為安全計,即使上緊位做大台一線花旦,亦決定放棄事業,狂推劇,停工箝實老公,做跟得夫人全天候貼身監視,又 ...



唔再拍劇的林夏薇,多咗好多時間睇實老公。

娛頭

停工一年 老公婚前愛溝𡃁模 林夏薇執靚箝到實

林夏薇 15年嫁給大自己十五年、身家逾二十億的金融才俊莫贊生( Jason)後,收過五卡巨型鑽戒、匡湖居豪宅收租,打本開酒樓,另一半出手超級闊綽,不時送老婆大禮。

不過,由於莫贊生婚前花弗更偏愛溝𡃁模, 29歲的林夏薇為安全計,即使上緊位做大台一線花旦,亦決定放棄事業,狂推劇,停工箝實老公,做跟得夫人全天候貼身監視,又執靚個樣同 keep住個 body,為長期飯票上足彈藥。

老公個底花


成為人妻之後,林夏薇反而愈來愈索,又唔介意成日低胸示人。
林夏薇擔正女一的《乘勝狙擊》正熱播,不過往後將無以為繼,因為她將有一段長時間消失於幕前。據了解,林夏薇已決定停工,無限期停止拍劇,連之前應承接的新劇《超時空男臣》,都反口唔拍,結果大台要臨時用王君馨頂上。

唔再拍劇,並不因為林夏薇婚後做慣少奶奶,怕拍劇辛苦唔捱得,亦非另一半施壓,不想她拋頭露面,不過停工原因也絕對同老公莫贊生有關係。

「薇薇(林夏薇)其實仲好鍾意做戲,近幾部劇又得到觀眾接受,認同佢有演技,鬥心佢肯定有,不過,要喺老公同事業二揀一,就一定係揀老公好多人以為薇薇停工,目的係想生 BB,但呢個並唔係主要原因。

「其實好多人都知, Jason結婚之前都好花弗,仲特別鍾意溝𡃁模,更加同過『 Donut』前成員 Caroline(朱裕琳)一齊,雖然婚後 Jason對薇薇好好,錫到老婆燶,不過薇薇都知,有好多女仔成日搵機會黐埋去老公身邊,所以安全起見,薇薇決定暫時唔拍劇,等有多啲時間陪老公;又唔係監視咁誇張,總之個正印『得』咗响度,自然冇乜古怪嘢出現。」林夏薇身邊人說。

全天候陪實

全職做阿太,林夏薇主要任務是陪住老公周圍去。早前,兩公婆拍拖到中環置地廣場 shopping,當日主要是陪莫贊生置裝,林夏薇全程形象指導上身,在 Alexander McQueen揀外套,就算見老公試完上身好啱心水,她亦會親自檢測一次,再將件衫穿上手,實際感受吓質地如何,十分細心。

買完男裝,輪到林夏薇去睇女裝揀手袋,其間莫贊生發現記者,唔習慣出鏡的他,左匿右匿避鏡頭,之後兩人再轉去 Gucci,繼續買。


呢日林夏薇同老公去買銀器擺設。

林夏薇陪老公去中環試衫,做埋老公的形象指導。

孭住個價值約九萬粉紅色 Hermes,好有貴氣。

負責俾完錢後,莫贊生先行離開。

戴巨鑽 shopping


闊太林夏薇手上隻巨鑽非常搶眼,估計超過五卡。
莫贊生已成為林夏薇的畢生事業!最近本刊又見二人行孖咇,在中環太子大廈一間專賣銀器家品擺設的名店尋寶。 T恤打扮的林夏薇,身上孭住個價值約九萬粉紅色 Hermes,但令人眼前一亮的,是她右手無名指上戴住一隻超過五卡的巨型鑽戒,青春貴氣,有齊!

林夏薇在店內掃了不少家居擺設,莫贊生碌卡埋單後先行離開,步出店外時,他主動與記者打招呼,而林夏薇留後,待安排好送貨手續,才與朋友一起離開。

龍友老公愛影性感相

林夏薇為了箝實老公,除了人釘人貼身監視外,亦花了不少心思和時間去執靚個樣。近年愈來愈靚的她,樣貌同一一年加入大台時相比,分別明顯,而且娘味全消,連身材亦變得比過往更有睇頭。

事實上,在芸芸大台人妻花旦中,林夏薇絕對算極品,要 keep住靚,除咗金錢、時間,還有恒心,據知,林夏薇每日都會做運動,日日操,唔偷懶。「唔講唔知,原來 Jason係龍友,鍾意玩相機同影相,薇薇為咗滿足老公各方面需要,所以好勤力,操到好 fit,做 model俾老公影相。其實薇薇啲性感泳衣相同埋噴血晒罅相,全部都係佢老公揸機影嘅。」林夏薇身邊人說。

莫贊生原來係龍友一名,鍾意幫老婆影性感相,呢張深坑相就係莫生傑作之一。

莫贊生婚前曾經同過𡃁模 Caroline一齊過,睇嚟莫生都係鍾意惹火身材類型女仔。

老公有遊艇,林夏薇經常出海,莫贊生又有機會幫老婆影泳衣寫真。

林夏薇帶埋陳展鵬、陳山聰及傅嘉莉等人,上遊艇一齊玩。

早排林夏薇同老公去馬爾代夫旅行,莫贊生親自操刀自拍婚紗相。


本週一(十六日),林夏薇同《乘勝狙擊》演員食飯,問到幾時會再拍劇,她表示等到有好劇本先拍。

原本林夏薇接咗《超時空男臣》,點知臨時辭演,要王君馨頂上。

為了有好身材,林夏薇經常喺屋企做運動。

莫贊生好錫老婆,打本俾她開酒樓,現在已經有十間分店,又送了三千三百多萬的匡湖居單位,做結婚禮物。

金融才子

現年四十五歲的莫贊生( Jason),從事融資、合併工作,白手興家。數年前,曾為香港某百億富豪做「收買佬」,買入一大批 Facebook未上市股票,令對方賺大錢,自此 Jason於金融界火速冒起。

家底豐厚的他,為十多間私人及上市公司股東,包括卡撒天嬌等大集團,而手上可見的持有物業,包括筲箕灣居屋單位、紅磡維港中心及山頂柯士甸道市值十億獨立屋,未計其他用 BVI持有的物業,手上資產逾二十億。

一五年七月林夏薇秘密下嫁莫贊生,他們在山頂一間豪宅內,低調舉行婚禮。

進化論

作為林峯的堂妹,林夏薇同樣擁有家族特徵——渾圓闊鼻,驟眼睇,同成龍個大鼻如出一轍。但隨着時間和技術改良,家族特色於林夏薇臉上逐漸消失,成為人妻做闊太後,更愈來愈靚。

林氏特徵

仍在香港話劇團的年代,極嫩口!家族特徵——渾圓闊鼻的原裝版,清晰可見。

微調眼鼻

有個進化高手的堂阿哥做人辦,林夏薇加入「革新」行列, 11年為入行作出準備,但相當忍手,只是𠝹深雙眼皮和輕微將鼻翼修窄。

飽滿蘋果肌

人紅自然靚,但後天修葺也有一定作用。 12年再進一步修窄鼻翼,稍為給平平無奇的蘋果肌加油,輪廓立體得多。

家族特徵消失

13年,林峯胞弟在美國行畢業禮,有出席的林夏薇,家族鼻已消失得無影無踪,又直又尖。

2.0進化

從來不貪心,一切以微調為原則。成為人妻後,五官進一步精緻,下巴線條明顯,鼻翼再略為修窄,拜拜豬膽鼻;連過去不時出現的眼皮浮腫亦不再,還有,向來無甚睇頭的上圍,也變得更立體。

撰文、攝影、攝錄:娛樂組

鍾意就快D Share啦!