掃呢頁CODE去手機

2017年1月11日 星期三

【與3C有緣】有「疑似四奶」?鄧兆尊嘆齊人福不易享:三個已經夠煩! __,鄧兆尊,兆尊,

已故慈善伶王新馬師曾(鄧永祥)嘅長子鄧兆尊,下個月就50歲,但依然有心有力,除有大婆Carmen、二奶車厘子(Cherry),同祥嫂洪金梅踢爆有揼骨妹三奶之外,今日再被周刊爆出,又有疑似新歡登場。據報道指,疑似新歡操半鹹淡廣東話,身材玲瓏浮凸兼外型高䠷,姿色不俗。當日兆尊一拖三,與二奶車厘子、三奶揼骨妹同「高䠷國產女」到銅鑼灣時代廣場行街,三女一齊圍埋睇香水,三奶見兆尊個樣有少少悶,即拎住其中一種 ...




其他影片:>>






已故慈善伶王新馬師曾(鄧永祥)嘅長子鄧兆尊,下個月就50歲,但依然有心有力,除有大婆Carmen、二奶車厘子(Cherry),同祥嫂洪金梅踢爆有揼骨妹三奶之外,今日再被周刊爆出,又有疑似新歡登場。據報道指,疑似新歡操半鹹淡廣東話,身材玲瓏浮凸兼外型高䠷,姿色不俗。當日兆尊一拖三,與二奶車厘子、三奶揼骨妹同「高䠷國產女」到銅鑼灣時代廣場行街,三女一齊圍埋睇香水,三奶見兆尊個樣有少少悶,即拎住其中一種味道畀兆尊聞下,真係好善解人意。之後「高䠷國產女」揀到心頭好,兆尊二話不說就去咗畀錢,跟住上去咗附近一間韓國餐廳食晚飯,坐埋一枱雖然唔多傾偈,但總算相處融洽,兆尊確實有計,勁!《蘋果》今日致電兆尊,佢都大方承認自己有三個女朋友,但疑似四奶就肯定唔係,佢苦笑話﹕「唔係呀,係某茶餐廳老闆娘,熟咪一齊食飯囉。(點解送香水?)同朋友食飯唔可以送嘢畀朋友嘅咩?!唔好見親我同女性朋友一齊,就個個都話係我女朋友啦,我依家只得三個女朋友啫,就係嗰三個喇,已經夠煩㗎喇,冇諗住再有第四個。」兆尊更透露「揼骨妹」英文名叫Claire,佢好維護女友咁話﹕「其實都尊重下人,佢叫Claire啦。」三個女朋友都C字頭,乜咁啱嘅?兆尊笑笑口話﹕「我本命忌C,佢話:『I'don't care(Claire)喎。」嘩,難怪外傳三奶Claire最得寵,連改英文名都有暗喻,咁兆尊又有冇諗過結婚生BB呢?佢好認真咁答﹕「唔好玩啦,我依家咁嘅局面,點結婚生仔呀?!」

鄧兆尊上月被影到同二奶及阿三一齊去行街。(資料圖片) (資料圖片)
左起:車厘子、鄧兆尊、Carmen(資料圖片) 兆尊同C字特別有緣。(資料圖片) 鄧兆尊話只得三個女朋友,已經夠煩㗎喇,冇諗住再有第四個。(資料圖片)

來源 source: http://s.nextmedia.com
鍾意就快D Share啦!