掃呢頁CODE去手機

2017年1月18日 星期三

胡楓85歲大壽 樸素多年原來係斜孭袋王 __,胡楓,

「修哥」胡楓今日85歲生日喇,原來佢有一個習慣,就係斜孭袋喇!正所謂「人老精鬼老靈,85歲都咁型」,用嚟形容今日85歲大壽嘅「修哥」胡楓最貼切不過喇!佢唔止係戲王,仲係舞王,跳足半個世紀,但其實佢仲有另一個身份,就係袋王王王喇!!!正確嚟講係「斜孭袋王」先啱!85歲仲係咁精靈嘅修哥,咁多年嚟嘅打扮都可謂相當樸素,除咗出席重要場合會着西裝,否則都係輕便Look上陣,不過最唔少得嘅原來係啲「法寶袋」! ...


「修哥」胡楓今日85歲生日喇,原來佢有一個習慣,就係斜孭袋喇!

正所謂「人老精鬼老靈,85歲都咁型」,用嚟形容今日85歲大壽嘅「修哥」胡楓最貼切不過喇!佢唔止係戲王,仲係舞王,跳足半個世紀,但其實佢仲有另一個身份,就係袋王王王喇!!!正確嚟講係「斜孭袋王」先啱!

85歲仲係咁精靈嘅修哥,咁多年嚟嘅打扮都可謂相當樸素,除咗出席重要場合會着西裝,否則都係輕便Look上陣,不過最唔少得嘅原來係啲「法寶袋」!

睇番過去,修哥喺10幾年前就開始愛上孭住個袋仔,去到邊都係「袋不離身」,絕不假手於人!而有趣嘅係,修哥無論出席劇集宣傳、發布會、電影首映禮、晚宴、婚宴、睇騷、甚至上紅館舞台都孭住個袋,真係非常之可愛!

不過其實佢都幾貪靚,唔係次次都係孭同一個袋㗎,細心發現佢時不時就轉吓款襯吓嗰日個Look,數數埋埋都有10幾個!不過袋多唔代表用一、兩次就算,佢孭成幾年㗎!雖然款式多多,但都係實而不華,貫徹其簡約作風,你以為佢冇變但其實暗地裏有變,呢啲咪高明囉,唔使吓吓都咁張揚話你知換咗「包包」嘅!

修哥咁多年嚟生活都係簡簡單單,孭住個袋仔就走天下!話時話,唔知佢有幾多個斜孭包包呢?

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon 


來源 source: http://hk.on.cc
鍾意就快D Share啦!