2017年1月8日 星期日

莊思明多謝祝福 唔介意先生B後結婚 __,莊思明,思明,

莊思明唔抗拒先生B後結婚,覺得時代唔同咗,最緊要雙方有共識!(資料圖片)藝人莊思明及楊明(阿楊)自從公開拍拖後一直愛得痴纏,思明日前更被東網獨家拍得深夜到醫院求診,有男友楊明貼心陪伴的她更頻頻搓肚兼作嘔,孕味甚濃!時代唔同次序唔重要思明其後接受東網訪問,被問到是否「有喜」?她笑言當時只是感冒發燒:「上次做完嘢唔舒服,阿楊陪我睇醫生。(係咪有喜?)真係因為感冒而發燒,仲咳得好犀利。但唔係因為有咗小朋 ...


莊思明唔抗拒先生B後結婚,覺得時代唔同咗,最緊要雙方有共識!(資料圖片)

藝人莊思明及楊明(阿楊)自從公開拍拖後一直愛得痴纏,思明日前更被東網獨家拍得深夜到醫院求診,有男友楊明貼心陪伴的她更頻頻搓肚兼作嘔,孕味甚濃!

時代唔同次序唔重要

思明其後接受東網訪問,被問到是否「有喜」?她笑言當時只是感冒發燒:「上次做完嘢唔舒服,阿楊陪我睇醫生。(係咪有喜?)真係因為感冒而發燒,仲咳得好犀利。但唔係因為有咗小朋友,唔係有喜。」雖然思明否認「添丁」,但問到她對於「先生B、後結婚」的想法時,表明抱「不抗拒」態度,思明直言「次序不重要」:「呢個年代唔結婚但生BB先,都唔係啲咩咁大不了嘅事。講真時代唔同咗,只要兩個人一齊開心,大家想有長遠關係同將來的話,其實次序都唔緊要。可能生咗B先結婚又好,或者結婚先生B,視乎兩個人有冇共識,唔會話好抗拒。但如果你問我呢個階段會唔會咁做,我同楊明都唔會,始終我哋都想喺工作上攞多啲嘢,賺多啲錢先。」

家人冇催婚

問到思明有否與男友楊明計劃婚期?她笑指朋友比二人更心急:「未有時間㗎,啲朋友好似急過我哋。(新年帶男友返馬來西亞見家長?)今年新年應該留喺香港,阿楊要開劇,所以要睇有冇時間先。(家人有催婚?)我都唔係太老,所以屋企人冇催我,哈哈!」

收到好多祝福

思明頻頻多謝大家一路以來的祝福,表示有計劃就會通知大家:「多謝大家祝福,如果有咩計劃就會同大家講。依家想做吓嘢先,阿楊要好忙拍劇,我要做音樂上嘅嘢,呢一年都好忙。但多謝大家好戥我哋開心,我哋成日收到好多祝福,多謝!」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon 


來源 source: http://hk.on.cc
鍾意就快D Share啦!
Related Posts Plugin for WordPress, Blogger...