掃呢頁CODE去手機

2017年1月2日 星期一

張崇德仔仔患選擇性不語症 遭同學欺凌 __,張崇德,

張崇德話佢個仔仔嘅「選擇性不語症」愈嚟愈嚴重。歌手張崇基與張崇德出席慈善音樂會,之前崇德的太太劉美娟受訪時,大爆一對仔女患有罕見的「選擇性不語症」,雖然女兒張日晴已病癒,但兒子張日希的病情卻愈來愈嚴重。問到崇德其兒子的病情可有好轉?他坦言:「佢喺學校係冇好過嘅,佢學習冇問題,但好易畀人蝦,我哋都有同學校加緊溝通,因為驚佢更加驚講嘢。」又指太太該次訪問被報道後,有很多家長都傳短訊或托朋友聯絡他們:「 ...


張崇德話佢個仔仔嘅「選擇性不語症」愈嚟愈嚴重。

歌手張崇基與張崇德出席慈善音樂會,之前崇德的太太劉美娟受訪時,大爆一對仔女患有罕見的「選擇性不語症」,雖然女兒張日晴已病癒,但兒子張日希的病情卻愈來愈嚴重。問到崇德其兒子的病情可有好轉?他坦言:「佢喺學校係冇好過嘅,佢學習冇問題,但好易畀人蝦,我哋都有同學校加緊溝通,因為驚佢更加驚講嘢。」又指太太該次訪問被報道後,有很多家長都傳短訊或托朋友聯絡他們:「佢哋話自己仔女都有類似症狀,究竟係咪?我哋就唔能夠話係唔係,就建議佢哋睇吓啲書,我都有同佢哋分享啲迹象,最典型就係平時講嘢好流利,一去到學校就唔講嘢。」

要睇心理醫生

問到兒子可會因被同學欺凌才導致有「選擇性不語症」?崇德指不會,因兒子在幼稚園已有此症狀:「開頭覺得幾好,又唔會搞事,學習又冇問題,到佢小學呢兩年就覺得有啲唔妥,因為學校有啲投訴關於仔仔,我問番個仔佢有解釋畀我聽,佢話開始有呢啲欺凌嘅事出現,係因為佢唔識點樣反駁同學仔蝦佢,就係因為咁,我哋先知道佢喺學校係唔講嘢嘅,再去正視問題。」又謂真正的病因仍然未知道,不過近日有位朋友轉介了一名心理醫生給他,他稍後會帶兒子去問診。

新年推Job陪家人

崇基和崇德續透露聖誕和除夕收到很多演出邀請,但他們早已落實與家人出外旅行,所以今年難得在旅行中度過節日:「新年我哋就唔出埠喇,開始接緊啲演出。」問到兩人今年可會再開騷?崇德說:「今年其實係時候開演唱會嘅,但要睇場地,同埋9月我就有一套純音樂劇,要早3個月練習,希望Book到場就年尾搞我哋兩兄弟嘅騷。」而崇基指希望兩人今年能推出唱片,又笑謂過去音樂上的工作都由細佬崇德去處理,但知道對方將會很忙,所以這次他會主動牽頭去籌劃。

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!