2017年1月7日 星期六

張繼聰叫老婆盡情食 準備幫謝安琪收身 __,繼聰,謝安琪,張繼聰,

張繼聰笑言有向老婆謝安琪了解過對厚底鞋,都覺得安全嘅!藝人張繼聰為親子馬拉松擔任頒獎嘉賓,他表示兒子逢星期六都要參加足球集訓,所以未有一同到場。問到老婆謝安琪(Kay)有否一同做運動?他表示:「以前有,依家冇,呢幾個月都係散步,生B後同坐月後先幫佢準備課程,上胎生完都係我同佢去踩單車同跑步。」他更謂做運動不能一時三刻,要成為生活一部份,笑言為了下次做脫星而不走樣,所以keep住做運動。向老婆了解過 ...




其他影片:>>






張繼聰笑言有向老婆謝安琪了解過對厚底鞋,都覺得安全嘅!

藝人張繼聰為親子馬拉松擔任頒獎嘉賓,他表示兒子逢星期六都要參加足球集訓,所以未有一同到場。問到老婆謝安琪(Kay)有否一同做運動?他表示:「以前有,依家冇,呢幾個月都係散步,生B後同坐月後先幫佢準備課程,上胎生完都係我同佢去踩單車同跑步。」他更謂做運動不能一時三刻,要成為生活一部份,笑言為了下次做脫星而不走樣,所以keep 住做運動。

向老婆了解過

至於早前被東網影到Kay穿上厚底鞋與友人食飯(相關新聞: https://goo.gl/l6XA4p ),他表示:「有了解過,佢話安全,唔係高踭鞋,係着有platform嘅鞋,同一高度,佢ok舒服,佢以前着4吋斗零踭都見步如飛。(禁止佢着厚底鞋?)佢唔係成日出街,屋企呀去食飯都着波鞋。(有冇嚇親?)冇,佢行得慢,好滋陰,明白太太出行想靚啲,心情好,行街都會有朋友扶實!好慘嘛,一個女仔生BB冇得出街,出街又冇得扮靚。」

肥肚唔肥面

問到Kay會否怕悶,他表示太太愛平淡,平時會在家陪兒子。講到Kay雖然大肚,但經常自拍晒尖面,他表示:「朋友都話佢塊面瘦,你問我,樣好主觀,佢佗B肚大,個樣冇變,一樣咁省鏡。做老公唔好講衰嘢、話肥,佗B女人要Enjoy嗰10個月,食嘢,應該玩盡佢,人生10個月拎正牌,大家唔好介意,enjoy食,生B後先算。」

相處唔講物質

在本月11日生日的張繼聰,他表示當日可能要工作,會在家食飯慶祝。問到Kay會否下廚,他說:「平時會,但今年唔好,費事操勞,我哋都折磨對方,佢唔鍾意禮物,佢生日又唔知買乜,我又係,煮嘢食,我又唔食嘢,食得好清,唔通烚菜咩,我哋相處上係好spiritual,冇乜物質嘢。」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon 


來源 source: http://hk.on.cc
鍾意就快D Share啦!
Related Posts Plugin for WordPress, Blogger...