2017年1月3日 星期二

朱千雪對明心戀不知情 單立文有料爆! __,單立文,朱千雪,千雪,

豹哥咁爆?藝人朱千雪、單立文(豹哥)及張振朗到洪水橋拍攝劇集《踩過界》,劇情講述豹哥及振朗在工廠打鬥,飾演豹哥女兒的千雪前來勸交,最後卻中槍倒地,而拍攝期間振朗一度不慎撞傷膝蓋,要休息片刻。望拍多一套劇千雪透露今次飾演醫生,動作場面不算多,而她下周便開學攻讀碩士課程,故近日要趕拍其戲份:「進度都理想,會拍到八、九成。(今年返學時間表點?)一星期返六日學呀!唉!都接咗廣告同活動,兩邊都要兼顧,同之前 ...


豹哥咁爆?

藝人朱千雪、單立文(豹哥)及張振朗到洪水橋拍攝劇集《踩過界》,劇情講述豹哥及振朗在工廠打鬥,飾演豹哥女兒的千雪前來勸交,最後卻中槍倒地,而拍攝期間振朗一度不慎撞傷膝蓋,要休息片刻。

望拍多一套劇

千雪透露今次飾演醫生,動作場面不算多,而她下周便開學攻讀碩士課程,故近日要趕拍其戲份:「進度都理想,會拍到八、九成。(今年返學時間表點?)一星期返六日學呀!唉!都接咗廣告同活動,兩邊都要兼顧,同之前一樣,但今年更加緊湊!(今年仲有冇機會拍到劇?)睇吓暑假點,有時間可以拍一套劇,冇諗住放棄邊樣。」

對拍拖順其自然

講到日前除夕,千雪表示跟好友睇煙花,但因要開工沒有玩到太夜,提到之前自爆有追求者,她表示仍在了解中:「我心態係順其自然,都咁大個人,唔抗拒拍拖。(但你咁忙喎!)唔緊要,我同外國朋友都係要用WhatsApp、FaceTime聯絡,當然對方要知我係咁忙,要體諒(今年其中一個心願係拍拖?)最緊要開心,想集中注意力喺工作同學業度先。」

豹哥:我瞓喺佢哋中間

對於馬國明與黃心穎傳秘撻逾一年,曾與馬國明傳緋聞的千雪直言不知情,並說:「唔知呀!我同心穎同屆港姐咋!唔通佢要問過我先准拍拖?」此時豹哥突然殺出並笑說:「我知好多喎!我就瞓喺佢哋中間嘅!(即係佢哋一齊瞓呀?)係呀!三人行!其實係咪影到車出車入咋?呢啲好正常!」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!
Related Posts Plugin for WordPress, Blogger...