2017年1月6日 星期五

【溝通好先做】避談係咪守戒 陳凱琳:唔會俾呢個意外發生 __,凱琳,陳凱琳,

47歲嘅鄭嘉穎同25歲嘅陳凱琳因為拍劇而撻着,鄭嘉穎噚晚出席港台頒獎禮,佢話不排除有意外發生就會結婚(新聞連結:http://bit.ly/2iEUynd),陳凱琳今晚喺尖沙嘴天際100觀景台出席一個皮草活動,當然記者追問「意外即婚」一事,佢笑住話說:「佢都係講吓笑啫,其實我冇睇過呢單新聞,係龔嘉欣話我知,嘉穎成日都咁答嘢,呢啲係最安全嘅答法,因為好似唔係確實咁答,好似安全,得啖笑囉!」笑問佢哋兩 ...




其他影片:>>






47歲嘅鄭嘉穎同25歲嘅陳凱琳因為拍劇而撻着,鄭嘉穎噚晚出席港台頒獎禮,佢話不排除有意外發生就會結婚(新聞連結: http://bit.ly/2iEUynd ),陳凱琳今晚喺尖沙嘴天際100觀景台出席一個皮草活動,當然記者追問「意外即婚」一事,佢笑住話說:「佢都係講吓笑啫,其實我冇睇過呢單新聞,係龔嘉欣話我知,嘉穎成日都咁答嘢,呢啲係最安全嘅答法,因為好似唔係確實咁答,好似安全,得啖笑囉!」笑問佢哋兩個係咪不設防?陳凱琳話:「唔係喎,我諗佢話嘅意外只係搞吓笑,又唔知點答,好似我0依家咁。」再問佢係咪因為有宗教信仰,唔可以有婚前性行為而要遵守戒條,佢尷尬話:「點解講到呢樣嘢?唔係淨係話結婚咩?我有自己一定理念,太私人嘅嘢唔公開講。」再問其實嘉穎所指嘅意外,係咪即突然求婚?陳凱琳話:「我諗唔會咁突然啩?佢係一個有好有計劃嘅人,最唔鍾意好突發性發生啲嘢,好似話原先plan好咗話去邊度食飯,但係臨時又要轉地方,佢唔鍾意有呢啲改變,所以以我識嘅佢係唔會咁突然去做一啲嘢,除非有意外囉!」講到會唔會信男友係一個負責任嘅人?陳凱琳話:「一定,如果唔係唔會拍拖,佢係好好男友,我對佢好信任,大家0依家想工作為主。」佢仲話唔覺得男友心急想結婚,所以頻頻試探口風:「我哋溝通都好多,知道大家方向,反而身邊啲人仲心急。」有冇溝通過幾時係結婚時候?佢話:「總之我哋會好好溝通咗先去做,唔會俾呢個意外發生,九成九有planing去做,除非係突發!」後來又問係咪認定嘉穎係結婚對象,陳凱琳話:「都應該係,同一個人拍拖應該係專一,希望可以行到呢一步。」佢仲話嘉穎已經過晒父母嗰關:「佢哋關係好好,嘉穎嘅媽咪都好錫我。」至於嘉穎係咪好心急做爹哋?陳凱琳話:「一步一步嚟,做好啲工作先,跟住再傾其他嘢,生BB呢啲嘢冇諗得咁詳細,應該係結咗婚先plan其他嘢。」

陳凱琳話認定嘉穎係結婚對象。(攝影:陳順禎) 攝影:陳順禎 陳凱琳讚男友係一個有計劃嘅人。
顏子菲以性感造型示人。 莊思敏

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...