掃呢頁CODE去手機

2017年1月2日 星期一

【獨家】飛泰國過熱辣辣新年 栢芝陪寶貝仔親子樂園玩足一日 __,栢芝,張栢芝,

同霆鋒離婚後,張栢芝幾乎去到邊,都會帶實兩個寶貝仔Lucas同Quintus!唔計香港,呢幾年,三母子足跡遍佈加拿大、新加坡、馬來西亞同泰國等等!平時要長留大陸做節目搵人仔嘅栢芝,早兩日,就趁對仔放聖誕假,去咗中環嘉年華,同細路玩餐飽。(新聞連結:http://bit.ly/2iiD3ZL)過兩日(30日),栢芝又同兩個小朋友飛咗啦,今次目的地喺泰國,相信栢芝想同小朋友過一個熱辣辣嘅新年。當日栢芝 ...




其他影片:>>






同霆鋒離婚後,張栢芝幾乎去到邊,都會帶實兩個寶貝仔Lucas同Quintus!唔計香港,呢幾年,三母子足跡遍佈加拿大、新加坡、馬來西亞同泰國等等!平時要長留大陸做節目搵人仔嘅栢芝,早兩日,就趁對仔放聖誕假,去咗中環嘉年華,同細路玩餐飽。(新聞連結:http://bit.ly/2iiD3ZL )過兩日(30日),栢芝又同兩個小朋友飛咗啦,今次目的地喺泰國,相信栢芝想同小朋友過一個熱辣辣嘅新年。當日栢芝三母子俾讀者陳小姐,透過「爆相爆片」,影到喺泰國曼谷Emporium商場嘅Imaginia Playland親子館玩緊,同行仲有幾個朋友。陳小姐話:「嗰日下晝4點半,我哋見到栢芝一家同幾個朋友上去玩,入場後,栢芝就搵位坐,開始同朋友傾偈吹水,Lucas就自己一個去買嘢食,至於Quintus就去咗另一邊玩,始終個場係俾小朋友玩,可能因為咁,栢芝放心俾佢哋自己周圍走!」陳小姐指自己6點幾走咗,走之前仲見到栢芝佢哋留喺館內,應該仲有排玩!

(讀者陳小姐提供圖片) 張栢芝入場後就同朋友吹水,不過都有同細仔Qunitus叮囑幾句,叫佢要小心啲!(讀者陳小姐提供圖片) Lucas大個仔,自己攞錢去買嘢食!(讀者陳小姐提供圖片)
細仔Quintus喺場館周圍行,睇吓邊樣啱自己玩。(讀者陳小姐提供圖片) 傾到咁上下,栢芝見有啲肚餓,都行咗去買嘢食。(讀者陳小姐提供圖片) 早兩日,三仔乸先去完中環嘉年華。(資料圖片)
早兩年,栢芝已經帶過兩個仔去泰國。(資料圖片) 又試過同劉美娟一家去馬來西亞Legoland。(資料圖片) 香港迪士尼當然去完又去(資料圖片)
仲有山頂都去過!(資料圖片)

來源 source: http://s.nextmedia.com
鍾意就快D Share啦!