2017年1月11日 星期三

林作:林作勁折墮!瞓街捱打仲被鬧「賤人」 __,林作,

讀咁多書,林作做乜搞成咁呀!大律師林作上月到澳門拍攝宣傳當地的微電影《孤島傳說》,一身敗家仔造型曝光,除下西裝的他穿上阿叔款白底衫、牛仔褲及白波鞋,加上一頭亂髮,感覺頹爆。戲中他飾演蛋卷店太子爺,但卻為人貪慕虛榮、頹廢又懶賭,賭錢輸到要問貨van司機乞求廿蚊,又被戲中飾演其妹的安采妮在眾人面前大鬧「賤人」。戲中他又有很多犧牲,不但要踎街、瞓街,更要被人打,由少爺仔淪落得很折墮。微電影拍攝四日,每日 ...




其他影片:>>






讀咁多書,林作做乜搞成咁呀!

大律師林作上月到澳門拍攝宣傳當地的微電影《孤島傳說》,一身敗家仔造型曝光,除下西裝的他穿上阿叔款白底衫、牛仔褲及白波鞋,加上一頭亂髮,感覺頹爆。戲中他飾演蛋卷店太子爺,但卻為人貪慕虛榮、頹廢又懶賭,賭錢輸到要問貨van司機乞求廿蚊,又被戲中飾演其妹的安采妮在眾人面前大鬧「賤人」。戲中他又有很多犧牲,不但要踎街、瞓街,更要被人打,由少爺仔淪落得很折墮。微電影拍攝四日,每日拍十多小時,但林作沒有受特別優待,都要跟工作人員一齊踎街食飯盒,但反而請大家飲汽水。除了造型外,大家都很關心其演技,少部分微電影片段曝光,只見自稱大學玩過drama的林作表現有點生硬,有工作人員指他演技尚有進步空間,但亦有人讚他折墮得很入戲。

協定唔講麥明詩

林作接受電話訪問,講到處男作有很多犧牲,如畀人打,他謂:「係假打,冇乜嘢。(要瞓街?)我本身好貼地,而且我冇潔癖,又係運動員,我踢波好勁,瞓街唔怕污糟。(喺街邊食飯盒?)我成日都喺街邊食飯盒,我又唔係咩人,唔好講到律師高高在上,我冇架子,叻同架子係冇關係。」問到他做律師還是拍戲好玩些?他謂人生如戲,打官司都是表演,又謂不會拍上癮:「你估吸毒咩?今次拍戲都係試下,應該都冇人會再搵我拍戲,我咁嘅樣都冇人會搵我做靚仔,係咪要整容先得?」講到跟他關係撲朔迷離的「十優港姐」冠軍麥明詩(Louisa)都有拍戲,問可有請教對方意見?他謂不敢叫:「同佢有君子協定唔會講佢,我亦唔會叫佢睇,佢睇唔睇都冇所謂。(介意同佢合作?)唔係,但佢唔會同我合作啦,總之大家費事,暫時都冇合作計劃。」

麥明詩撐入行

而Louisa睇完微電影片段後就謂林作表現幾好,問到怎樣評論他演技?她則處處維護「舊愛」:「我作為新人,唔方便評論呢啲。(支持佢入行?)希望可以有人加入,發大影視圈。(佢問你意見?)我都係新人,畀唔到咩意見,大家都係學習。(佢有冇請教你?)知佢有拍嘢,有睇報道,大家都有略略傾過,但唔想講關於太多佢嘅嘢,同埋我都顧掂自己先,演戲有好多唔同方法,可能佢想做啲有喜感嘅嘢。」至於同戲演員陳達仁就大讚林作有潛質演戲,又沒有架子:「原來佢唔介意同我哋捱飯盒、宵夜同講鹹濕嘢。」他又疑似暗寸跟林作傳緋聞的組合Bingo隊長Carman:「我拍完戲學到嘢,有人為林作可以冇對白、只係過鏡都肯嚟拍,原來係為咗之後嘅報道。」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!
Related Posts Plugin for WordPress, Blogger...