2017年1月11日 星期三

首個情侶騷 展鵬用光頭「冧」定欣 __,定欣,陳展鵬,展鵬,胡定欣,

今次係第一次,嚟緊仲會有好多次~~~出爐視帝視后陳展鵬和胡定欣以緋聞情侶檔在上水廣場主持「鳳舞.花瓷彩繪展」揭幕禮,新鴻基地產代理有限公司租務部總經理鍾秀蓮亦有出席。會上,陳展鵬和胡定欣就即場向台灣瓷繪藝術家林俊佑學習瓷繪,在瓷碟上填色。期間亦有不少Sweet爆場面,胡定欣扮餵展鵬湯圓之餘,兩人更在台上合唱得獎曲《從未知道你最好》,而男方在開金口前亦自嘲:「放心,我一定唔會咪咀!」非常風趣。光頭展 ...


今次係第一次,嚟緊仲會有好多次~~~

出爐視帝視后陳展鵬和胡定欣以緋聞情侶檔在上水廣場主持「鳳舞.花瓷彩繪展」揭幕禮,新鴻基地產代理有限公司租務部總經理鍾秀蓮亦有出席。會上,陳展鵬和胡定欣就即場向台灣瓷繪藝術家林俊佑學習瓷繪,在瓷碟上填色。期間亦有不少Sweet爆場面,胡定欣扮餵展鵬湯圓之餘,兩人更在台上合唱得獎曲《從未知道你最好》,而男方在開金口前亦自嘲:「放心,我一定唔會咪咀!」非常風趣。

光頭展鵬新鮮感「氹」胡定欣

訪問時,胡定欣就指今次是他們首個單獨活動。問有否因稱帝封后而叫高開騷價,陳展鵬即笑謂工作在得獎前已經接洽:「乜拎咗獎可以加價?我要同經理人認真傾傾!」而胡定欣就希望兩人可以繼續拍住上搵真銀:「今日之後都繼續有!(《同盟》出又嚟過?)好呀!其實冇劇出都可以搵我哋做嘢㗎!(見多啲?)公司都會見到,喺隔籬廠。」問會否見到厭,陳展鵬就笑指自己最近剃光頭,必定令女方有新鮮感。

農曆新年唔敢互相上門拜年

提到雞年臨近,問他們會否互相上門拜年,陳展鵬即笑謂:「玩咁大?我屋企未執好!好亂!(你去定欣度?)咁恐怖?畀記者撞到又寫,唔好喇!」問14號生日的陳展鵬會否同胡定欣齊齊慶祝,他就指自己會同Fans Club慶祝:「上年冇搞到,今年咁豐盛,要報答佢哋。」問快將踏入40歲的他會否打算成家立室,自言家人未催的他笑謂:「到嗰日先諗,依家仲係三字尾!」胡定欣聞言即笑住問:「一到12點就諗?」非常搞笑。之後,胡定欣又指自己初四後會拍《深宮計》,希望農曆新年可以陪家人。

展鵬45歲退休?

有指陳展鵬剛與無綫續五年合約,陳展鵬即笑謂:「我係簽到退休!五年後,45歲退休都幾OK!我驚我做到唔止45歲,簽到退休唔使諗咁多嘛!(有人話你擦鞋?)梗係唔係啦,退休嘅嘢邊個知!」提到合唱時真唱,陳展鵬就笑指特登唱更大聲:「等大家聽清楚,我係記得歌詞嘅!」又指自己媽媽叫他每次都應該要真唱:「我話到時甩咀就另一樣嘢喇,但我都希望之後都會唱Live嘅!」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!
Related Posts Plugin for WordPress, Blogger...