掃呢頁CODE去手機

2017年1月20日 星期五

出書講十年辛酸 張慧儀艷星轉行做生意 __,十年,張慧儀,

張慧儀同養子嘅感情真係好到爆。女星張慧儀宣布新一年全面復出幕前,故決定讓13歲養子張晃維(Hanson)返回馬來西亞家鄉與慧儀父母同住。將Hanson視如己出的她坦言,曾為此與囝囝商量:「拍嘢生活顛倒,我想畀阿仔有穩定生活,阿仔話寧願返去馬來西亞,因為嗰度係我哋嘅家,所以最適合畀佢同父母生活,我做完工作就一次過見晒佢哋!」慧儀談起Hanson即流露幸福笑容,開始成長為「小大人」的Hanson愈來愈 ...




其他影片:>>






張慧儀同養子嘅感情真係好到爆。

女星張慧儀宣布新一年全面復出幕前,故決定讓13歲養子張晃維(Hanson)返回馬來西亞家鄉與慧儀父母同住。將Hanson視如己出的她坦言,曾為此與囝囝商量:「拍嘢生活顛倒,我想畀阿仔有穩定生活,阿仔話寧願返去馬來西亞,因為嗰度係我哋嘅家,所以最適合畀佢同父母生活,我做完工作就一次過見晒佢哋!」

慧儀談起Hanson即流露幸福笑容,開始成長為「小大人」的Hanson愈來愈懂得愛錫她,令她非常窩心:「我夜晚起身去洗手間,一定去望一望佢同錫啖佢額頭再瞓,有日佢學我嚟望我同錫我。有時食飯,我煮餸畀阿仔食,自己就食番上一餐留低嘅餸,但佢叫我食啲新鮮餸,食飽飯又由佢洗碗,好冧!」

感情事影響阿仔

問到他日Hanson拍拖會否呷醋?慧儀搞笑自爆日夜告誡囝囝切勿搵惡女做另一半:「我叫佢唔好識咗女友就唔記得媽媽,我同佢講女朋友一定唔可以蝦佢同對佢惡,因為媽媽咁錫佢,佢女友對佢惡就一定唔得!如果個女仔唔錫媽媽就唔好考慮喇!(佢話OK?)佢依家梗係OK,以後就唔知喇!哈哈!」

早前與內地富商陳偉軍分手的慧儀,坦言目前有追求者,但唔心急拍拖:「阿仔踏入青春期,我點處理感情會影響佢日後嘅睇法,我唔想佢覺得媽咪好隨便,覺得感情可以好隨便。(上次分手因為難相處?)緣分唔夠,行落去對大家嘅家庭都冇好處,我哋都係離異家庭,又有小朋友。(下次揀冇家室嘅男士?)有冇小朋友同有冇結婚都唔係問題,兩人相處先係最緊要。」問到擇偶是否要讓囝囝過目?她說:「如果搵到真心愛護我哋兩母子嘅真命天子,相信阿仔會接受。(囝囝有咩條件?)錫媽媽。」

身教!搣甩性感形象

談到工作,慧儀渴望搣甩過往的「性感尤物」形象,轉型演出繼母等角色:「嚟緊喺網絡電影演有故事同受過情傷嘅女人,年齡同心境唔同咗,想演有閱歷同貼地嘅角色,例如繼母、媽媽、企業總裁,孤兒院院長等,唔同以往淨係性感!(演沉鬱角色要狂喊?)唔介意,到時會自然流露,我經過時間洗禮,喊過好多次!」

她還打算推出自傳式新書,分享創業辛酸:「想寫2003至2013年呢段創業時期,我隻身同大型連鎖酒店總裁傾白咖啡生意,最後傾得成嘅勵志經歷,過程中有人話我係明星,但做埋呢啲嘢,令我好難受。平時性感嘅我,原來去到陌生地方都生存到,愈艱難就愈要勇敢,不斷努力,唔好害怕去嘗試,將會係我對阿仔最好嘅身教。」書中當然還有她與囝囝的溫馨記憶,但不會談及與前未婚夫的一段情,她說:「不值一提!」

服裝:Laurèl

場地:火薈中日火鍋

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!