掃呢頁CODE去手機

2017年1月11日 星期三

【獨家】李連杰細女原來都係最索星二代 向太陪熱褲Jetta行置地 __,李連杰,向太,陳嵐,

向太陳嵐身邊嘅朋友,一向都係猛人居多,好似洗米華周焯華、李連杰等等,而李連杰每次嚟到香港,都會住喺向太屋企,李連杰嘅囡囡,都係向太嘅契女,而喺日前,《蘋果》就影到向太去到置地行街,身邊仲有一個好似李連杰細女嘅少女。當時向太喺置地門口落車,同行有一個助手同一個少女,呢位少女就着住熱褲,個樣仲好sweet好甜架,同李連杰嘅細女Jetta有幾分相似,唔少男士都有回頭望一望佢,向太落到車就係咁睇電話,仲不 ...




其他影片:>>






向太陳嵐身邊嘅朋友,一向都係猛人居多,好似洗米華周焯華、李連杰等等,而李連杰每次嚟到香港,都會住喺向太屋企,李連杰嘅囡囡,都係向太嘅契女,而喺日前,《蘋果》就影到向太去到置地行街,身邊仲有一個好似李連杰細女嘅少女。當時向太喺置地門口落車,同行有一個助手同一個少女,呢位少女就着住熱褲,個樣仲好sweet好甜架,同李連杰嘅細女Jetta有幾分相似,唔少男士都有回頭望一望佢,向太落到車就係咁睇電話,仲不時同少女分享,一齊睇一齊笑,好老友咁喎!《蘋果》問到向太,呢位少女好似李連杰嘅細女,佢就回覆話:「咁你哋都認得,佢同爸爸嚟咗香港,咁佢爸爸唔方便陪佢行街,所以我咪陪佢行街囉。」當日佢哋一行三人,去到置地嘅中央地帶,當時仲有好多聖誕嘅擺設,向太睇得好開心,仲拎電話出嚟影聖誕樹。之後佢哋就去到一間名店,一入到佢哋行到去試身室,完全冇睇到舖面嘅嘢,好可能係預約咗要睇啲咩,一個鐘頭左右,佢哋就出嚟,其中有個男店員就搭住向太膊頭,有講有笑咁行出嚟,不過手上完全冇拎任何嘢,好可能係訂咗貨咁,又或者有專人送到向太府上啩!行完街買完嘢,向太心情好好,不時搭住助手,又搭住Jetta有講有笑,最後佢哋三個人一齊上車離開。《蘋果》問到向太依家李連杰同Jetta仲喺唔喺佢屋企住,佢就話佢哋已經飛咗去三亞。其實李連杰同利智99年結婚,育有兩個囡囡,分別係16歲嘅長女Jane同13歲嘅Jetta,今次就只得細女Jetta陪佢返香港,其實大女Jane去年七月都有返過香港,出席現身阿里巴巴全球XIN公益大會,年僅16歲嘅佢台上分享自己從事環保公益嘅心得添!(新聞連結:http://bit.ly/2i8O94Q )此外,Jane都係一位舞林高手,07年,佢就曾經任劉德華演唱會嘅嘉賓,同華仔大跳拉丁舞。(新聞連結:http://bit.ly/2iXK54x )

李連杰細女Jetta孖契媽向太一齊行街。(探訪、攝影:黃曉程) Jetta同向太一前一後咁入置地。 Jetta同向太一前一後咁入置地。
向太停低影相,Jetta就乖乖咁企埋一邊等契媽。 Jetta 一齊走入名店。
走嗰時,向太笑得好開心喎! 走時有說有笑。 向太搭住契女膊頭一齊離開商場。
家姐Jane 07年曾經喺華仔演唱會任嘉賓。(資料圖片) 原來Jane 6歲時,已經贏過兩次全國舞蹈大賽冠軍。(資料圖片) Jane任華仔表演嘉賓時,爸爸、媽媽同妹妹都有到場支持。(資料圖片)
利智與Jetta(資料圖片) 去年七月,Jane曾返港出席阿里巴巴全球XIN公益大會。(資料圖片)

來源 source: http://s.nextmedia.com
鍾意就快D Share啦!