掃呢頁CODE去手機

2017年1月2日 星期一

【叱咤頒獎禮】Wyman爆肥姐秘密故事 成欣宜拉票最強武器 __,Wyman,欣宜,黃偉文,

「我最喜愛歌曲」最後兩強,A係方皓文《你是你本身的傳奇》、B係鄭欣宜《女神》。欣宜出動Wyman拉票,Wyman稱寫這歌是他處心積累二十年的報恩計劃。他稱20年前參加一個電視台有獎遊戲節目,以電台DJ身份,一個人坐的士入清水灣排隊入電視台,過不同保安關卡都不斷被問嚟做咩嘢。過了五個關卡才入到一廠,「當時冇人識嘅我,匿埋喺一個幽暗角落休息,錄影完後中場休息,我又去番個幽暗角落頭,等下節錄影。差唔多錄 ...




其他影片:>>






「我最喜愛歌曲」最後兩強,A係方皓文《你是你本身的傳奇》、B係鄭欣宜《女神》。欣宜出動Wyman拉票,Wyman稱寫這歌是他處心積累二十年的報恩計劃。他稱20年前參加一個電視台有獎遊戲節目,以電台DJ身份,一個人坐的士入清水灣排隊入電視台,過不同保安關卡都不斷被問嚟做咩嘢。過了五個關卡才入到一廠,「當時冇人識嘅我,匿埋喺一個幽暗角落休息,錄影完後中場休息,我又去番個幽暗角落頭,等下節錄影。差唔多錄影時主持人興沖沖入來,佢本來可以行一條直路,但佢肥騰騰咁都要掟一個靚彎﹛去幽暗角落頭同我講,Wyman,你今日套衫好靚,邊度買?我受寵若驚,我等咗成晚喺幽暗角落頭發臭,竟然有人同我講嘢。」於是即講下件衫購自日本點點點,講完一大堆,對方微笑謂,「唔,好。」就行咗去。Wyman稱,當時佢靜下來,諗一諗中:「佢點會想著我呢件衫呢?佢只係見到呢個人,柄喺角落頭無人理,佢過嚟俾啲溫暖我‧其實沈殿霞點會著Comme des Garçons呢?」「嗰一秒鐘我就覺得,人與人之間,唔係老奉要對你好,尤其你係一個天皇巨星。嗰一秒,我就決定,呢個人情我要還,還唔到俾佢,還俾佢家人都好,再唔係,還俾個世界都好吖。好多時我哋得到一啲人嘅善意,可能都係因為佢哋收到一啲來自天使嘅善意,我好好彩,我喺十幾年後遇到佢個女。」Wyman話,近幾年覺得此世界好多人鍾意報復,「我唔怕你地話我老奸巨滑處心積慮,我可以話俾你哋知,呢個係我部署咗二十年嘅大報恩。」欣宜唱完歌後,即忍不住爆喊致謝投票的人,「唔講喇,我有得喺呢度唱歌,我已經覺得我贏咗。所以…我好開心0架喇…」

(電視截圖)
欣宜喊到不停抹眼淚 Supper Moment幫欣宜伴奏,又合唱咗一截

來源 source: http://s.nextmedia.com
鍾意就快D Share啦!