掃呢頁CODE去手機

2017年7月20日 星期四

追貼前妻陳法拉  40歲 Neway大少薛世恒轉做幕前 [壹週刊 - 1428] __,法拉,薛世恒,陳法拉,M1,

數月前開始狂操,原來他為當幕前鋪路。探熱針追貼前妻陳法拉 40歲Neway大少薛世恒轉做幕前陳法拉前夫、身家逾十億的Neway大少薛世恒(Daniel ...


數月前開始狂操,原來他為當幕前鋪路。

探熱針

追貼前妻陳法拉  40歲 Neway大少薛世恒轉做幕前

陳法拉前夫、身家逾十億的 Neway大少薛世恒( Daniel),一直愛拍拖多過愛事業, 13年跟陳法拉離婚後,先後與廖碧兒、朱璇及梁雨恩傳緋聞。不過近期他興趣一轉,積極操肌、狂讀演藝課程,簽埋經理人,不惜由閒角做起,踩過界入娛圈。

高調操肌扮 chok

有米又有樣的薛世恒向來低調,但近月忽然儼如患上「分享症」,在 fb狂晒 chok相,更狂操變爆肌猛男,又跟熟男韓星韓在石比併,自封「恒在石」,自信心爆棚。

一百八十度轉變,全因年近四十歲的他決定跟前妻陳法拉食同一行飯,上月底簽約北京電影公司「星邦美納」旗下,殺入內地影壇。

估唔到薛大少跟前妻一樣做演員,唔知日後他倆有冇機會在電影「復合」?

陳法拉有法國駐日外交官新歡,前夫則進軍內地影圈。

內地電影公司「星邦美納」在微博宣布簽薛世恒為旗下藝人。

呢張相,薛公子係咪想扮影帝梁朝偉。

原來薛公子覺得自己似韓星韓在石。

決定轉做幕前,薛世恒在 FB狂 po型仔相。

Chok住吔蕉

呢個甫士點睇?有冇殺死你先?

失婚後大把女

有米有樣的薛世恒,經歷過兩段婚姻, 13年同陳法拉離婚後,每年都有緋聞出現,絕不苦悶。

14年廖碧兒

失婚後翌年,有傳經朋友介紹,安排他與一心釣金龜的廖碧兒,在黃長興的餐廳來個「相睇飯局」,有指雙方雖有 feel,但最終互𠝹幾個月就冇咗下文。

15年梁雨恩

15年他力追同是教友,外形清純的梁雨恩,兩個更被發現撐枱腳打邊爐,不過這段關係見光即死,薛公子繼續保持他的鑽石王老五形象。

16年朱璇

去年五月,對華姐情有獨鍾的他,被發現相約朱璇到中環一間外賣小食餐車捧老友黃長興場,其間女方喪放電,兩人更在暗角調情。

同年大胸妹 Aggie

同年八月他與身材出眾圈外女仔 Aggie Wong拍拖,女方更進駐薛大少位於汀九億元豪宅過夜,不過戀情曝光後,他仍堅持收埋新歡,繼續扮單身。

蔡少芬介紹做大茄

「 Daniel唔想人覺得佢玩玩吓,所以喺北京同香港不斷讀演藝課程,佢近年信主,身邊嘅基督徒朋友都好支持佢嘅決定,蔡少芬同老公今年四月就介紹佢喺內地片《十噸刺客》做閒角吸收經驗。」知情人說。

除袁偉豪(左一),黃長興(右二)也是薛世恒的兄弟,經常孖住去玩。

今年 5月,對幕前事業認真看待的他,為取經甘願在好友蔡少芬夫婦合演的內地電影《十噸刺客》做閒角。

「兄弟」撞樣

薛世恒同袁偉豪(右圖)唔單只係老友,連樣都似到十足十,比他的親弟薛嘉麟,更有兄弟相。

決定做回自己

大少薛世恒曾經在爸爸薛濟傑手上,接棒做 Neway卡拉 OK掌舵人,並開唱片公司捧當年新人王浩信,但有指薛父之後不滿他在卡拉 OK裝修工程使費高昂,最後將家族業務重心轉移到細仔薛嘉麟手中。

據知星邦美納計劃力捧薛世恒,但會讓他由男配角做起,打好基礎,慢慢才讓他擔正。近期薛世恒在訪問中透露,自己是家中長子,家人對他有一定期望,他也曾努力滿足家人,但現在決定做回自己,難怪忽然踩過界。

「幾年前家族生意由細佬薛嘉麟接手,其實 Daniel鬆一口氣,佢向來對音樂同演戲有興趣,一向同黃長興、袁偉豪成班藝人一齊玩,年近四十先起步係遲啲,但佢想試吓,唔想將來有遺憾。」知情人續說。

富貴兵團

娛樂圈唔易撈,有家底的富二代要成功,都要睇天時地利人和,就算有大水喉射住,都未必一定紅。

中建主席之子麥浚龍

麥浚龍父親是中建電訊主席兼行政總裁麥紹棠。 02年出道的他,在樂壇橫掃多個獎項, 03年廉署發起「舞影行動」,調查有人涉賄賂買獎。亦有傳他初出道曾聘用「職業 fans」,為自己造勢。 13年,麥浚龍首次執導的電影《殭屍》上映獲好評,靠自己努力終被肯定, 15年與謝安琪合唱《羅生門》,更成年度 hit歌。

人大代表之後王梓軒

唱作歌手王梓軒,父親王英偉是香港區人大代表及香港發展局主席。他出道後疑因安插打手在高登造勢,被高登仔針對。 14年入無綫做藝員默默耕耘,在 J2的《 Big boy club》做主持,網民對他亦由狂插變接納。

西貢地王之子周子揚

周子揚父親周業德是西貢地王,區內擁有多個商鋪,身家逾億。 09年他簽華納進身樂壇,成績一般。 11年他轉投無綫,拍了多套劇集,飾演大配角, 15年約滿無綫離開。事業雖未見起色,但與何傲兒的緋聞卻令他人氣急升。

撰文、攝影、攝錄:娛樂組


鍾意就快D Share啦!