掃呢頁CODE去手機

2017年10月19日 星期四

要自己話晒事 欣宜做老闆捧自己 [壹週刊 - 1441] __,欣宜,M1,

探熱針要自己話晒事 欣宜做老闆捧自己欣宜14年簽約蕭定一的HMV數碼中國集團有限公司,成為旗下藝人。去年舉行兩場《女神有問題演唱會》,年底更憑《女神》 ...






探熱針

要自己話晒事 欣宜做老闆捧自己

欣宜 14年簽約蕭定一的 HMV數碼中國集團有限公司,成為旗下藝人。去年舉行兩場《女神有問題演唱會》,年底更憑《女神》橫掃樂壇頒獎禮,風頭一時無兩。一直崇尚自主的欣宜,原定今年 4月滿約後離巢。蕭定一唔想走寶,俾 30歲的欣宜自組山頭打骰,做老闆捧自己!

控制慾強

近日欣宜新歌《你是什麼時候開始不愛我的?》派台,是她自組公司後頭炮歌曲。「佢間新公司叫 Passion Fruit,識 Joyce嘅人都知佢好多嘢唔會放手俾人搞,控制慾又強,份人又心急,同佢合作要好有 EQ。而家佢自己做老闆,乜都可以話事,啱晒佢性格,公司唔會簽其他人住,先要做好自己,捧起自己先。」知情者說。





自組公司做老闆,欣宜配合公司名,以生果為主題,影了一連串的宣傳照。





欣宜憑一首歌,橫掃樂壇頒獎禮,亦因此燃起了她想得到更多的慾望。





黃偉文去年為欣宜填寫了《女神》,令她的歌唱事業三級跳。

四月約滿





蕭定一打本俾欣宜自組公司,對她百分百支持。

去年《女神》一曲大熱,令欣宜的歌唱事業定位,跳上一線尾女歌手。可惜未有承接氣勢,全因欣宜有離心,放軟手腳。「當時有個尷尬位,《女神》掃咗好多獎,本來應該要食住上,但 Joyce要拍戲,加上佢同阿一(蕭定一)份約四月滿,又未傾得埋欄,好多嘢都 hold住咗。本來佢都諗住唔續約,想自己做有多啲自由度,阿一好錫佢,知佢想點,就話開間公司俾佢揸 fit,想請乜人想做乜嘢音樂都由 Joyce話晒事。」知情者說。







去年欣宜整餅整到開鋪,進駐耀華街。





欣宜自從簽約蕭定一後,拍攝電影的機會一個接一個。





去年,蕭定一為欣宜舉行了兩場演唱會,加上《女神》大 hit,打穩了欣宜在樂壇的地位。

自己揸 fit

圈中唔少藝人,捱出頭後會轉公司尋求新發展,以前興跳槽,現今流行自組公司,一於自己事業自己掌控。

謝安琪

05年入行做歌手的謝安琪,自從 08年《囍帖街》大 hit,即登上天后寶座後, 14年自組邁亞音樂,揸 fit做自己想做的音樂。

文詠珊

14年滿約 A Music的 Janice Man,同年簽約太陽娛樂文化,得公司全力支持,開設子公司 JM Workshop讓她話事,想接乜就接乜。

撰文、攝影、攝錄:娛樂組


鍾意就快D Share啦!