掃呢頁CODE去手機

2017年10月18日 星期三

【係愛呀,哈利!】48歲伊能靜宣佈要再生B 決絕退出娛圈:你們忘了我吧 __,伊能靜,

伊能靜仲想再生?48歲嘅伊能靜,已經生咗一仔一女,真係仲想再生?咁BB出世嗰陣,媽媽都半百喇喎……係咁嘅,嫁咗大陸演員秦昊嘅伊能靜,入鄉隨俗落地生根, ...


伊能靜仲想再生?

48歲嘅伊能靜,已經生咗一仔一女,真係仲想再生?咁BB出世嗰陣,媽媽都半百喇喎……

係咁嘅,嫁咗大陸演員秦昊嘅伊能靜,入鄉隨俗落地生根,已有三年未再喺台灣公開露面,今日下午佢以歲末關懷大使身分,為南台北家扶中心募款,仲認捐50萬新台幣(約13萬港元)。

伊能靜產前體重升至132磅,依家跌番105磅,伊能靜話佢係憑意志力減磅,方法包括斷醣飲食丶低GI(升糖)飲食丶重量訓練同帶氧運動。

依家呢,伊能靜係全職家庭主婦,仲為囝囝特別去學煮唔同國家嘅菜式,每個周末親自為囝囝哈利入廚。咁重視呢餐飯,因為伊能靜成長於單親家庭嘅佢,細細個已經好少機會同爸爸媽媽一齊食飯,所以特別珍惜。

好喇,跟住傳媒就問伊能靜會唔會生多個啦?佢話覺得上次「中獎」懐上小米粒已經係福報,「不過當初為了做試管取了3、4次卵,都沒有用到,雖然現在剛生完還需要時間恢復,但人生充滿希望,再生8個也不是問題。」再生八個?!

伊能靜話,懷孕前打過幾次排卵針,成功取出4粒健康卵子,依家仲喺醫院雪緊:「小孩子實在太可愛了,以後可能會想再生,挑戰一下醫學的極限。」咁拍劇呢?佢話:「我收掉在大陸的公司,推掉好幾部戲,以後不是藝人了。」伊能靜真係好決絕,之後傳媒問佢拎聯絡方式,伊能靜好委婉咁話:「我已經不做這行了,你們就忘了我吧!」

講番哈利,伊能靜話佢爸爸(即哈林)生命有「美好的禮物」出現時,秦昊自己忙到兩個月只返屋企四日,但仍鼓勵佢帶哈利出國度假,等哈利覺得「媽媽永遠是他的」,至於個女就由老爺奶奶代為照顧:「不是家庭不幸的孩子,人生就會走歪。」



已經成四年幾冇喺台灣出席活動嘅伊能靜,再返娘家依然狀態大勇。 點睇都唔係就快半百…
伊能靜以歲末關懷大使身分,為南台北家扶中心募款,仲認捐50萬新台幣。



呢位人妻兼人母,不時抱女晒腿。 (伊能靜fb圖片) 「賣萌」 (伊能靜fb圖片) 哈利已經高過媽媽喇 (伊能靜fb圖片)
小米粒 伊能靜早前拍埋片,教大家瘦身之道。 (伊能靜fb影片) (伊能靜fb影片)

鍾意就快D Share啦!