掃呢頁CODE去手機

2017年10月18日 星期三

【B仔樣曝光】杏兒產後首現身 老公發長文感激老婆 __,杏兒,胡杏兒,

胡杏兒日前為老公李乘德(Philip)誕下8磅重囝囝Brendan,母子已出院返屋企,不過就一直未見B仔樣。今日杏兒老公Philip,終於喺IG晒Br ...


胡杏兒日前為老公李乘德(Philip)誕下8磅重囝囝Brendan,母子已出院返屋企,不過就一直未見B仔樣。今日杏兒老公Philip,終於喺IG晒BrendanB仔樣出嚟,見到只有幾日大人仔嘅Brendan,五官清秀、輪廓分明,而相中只見生完首次現身、已經開始餵哺母乳嘅杏兒,抱實囝囝錫錫,好有愛。

而新手媽媽杏兒就講過餵哺母乳嘅困難,乳房痛到不下於分娩嘅痛。(新聞連結:http://bit.ly/2ySG2B9 )今日老公Philip就發長文,感激太太生BB時所受嘅痛楚同壓力。Philip以英文留言話好多人生完BB後,就會將焦點放喺BB度,其實生完小朋友嘅媽媽,更需要人關懷。

Philip喺文中有提到自己當日有陪老婆杏兒入產房,眼見杏兒無止境嘅陣痛,自己只能企喺度睇住,幫唔到咩手,覺得好無助。Philip話當時杏兒痛到就快忍受唔到,不過最終冇選擇打無痛分娩針,因為杏兒早早決定要喺自然分娩中,希望可以感受到犧牲同愛。佢更講到男人嘅力量,比起一個就快分娩嘅媽媽,絕對比較弱。

陪伴完老婆整個生產過程,Philip話自己忍唔住攬實媽媽,亦深深感謝媽媽同太太對自己嘅付出。





抱實B仔嘅杏兒,好溫柔咁錫錫BabyLee。(李乘德IG圖片) 雖然BabyLee只有幾日大,但五官清秀輪廓分明。 (李乘德IG圖片)
Philip今日發長文感激老婆。(李乘德IG圖片) 文中講到自己陪老婆生產過程,感受到老婆承受十級痛楚。 (李乘德IG圖片) (資料圖片)

鍾意就快D Share啦!