掃呢頁CODE去手機

2017年11月21日 星期二

【好神秘...】獨自搬入3000萬豪宅? 陳瀅:住邊度就唔講喇 __,陳瀅,

陳瀅、溫碧霞(Irene)、衛詩雅、楊秀惠等,今日去黃埔出席時裝雜誌頒獎典禮,出席嘉賓皆飾心打扮。陳瀅着上低胸晚裝裙出席,佢話:「條裙原先台慶着,但係 ...




陳瀅、溫碧霞(Irene)、衛詩雅、楊秀惠等,今日去黃埔出席時裝雜誌頒獎典禮,出席嘉賓皆飾心打扮。陳瀅着上低胸晚裝裙出席,佢話:「條裙原先台慶着,但係因工作證問題出席唔到,有少少唔開心。」有指陳瀅同何雁詩分居後,獨自搬入3000萬豪宅,陳瀅話:「自己買唔起,o依家都係租樓,住邊度就唔講,希望下年買到樓,又想喺加拿大買樓俾婆婆住。」

溫碧霞表示,聖誕會去峇里同屋企人渡假,又趁機會為內地巿場影一輯寫真,Irene話:「寫真會寫我內心,亦會有泳衣照,比較生活啲。」過幾天便踏33歲生日嘅衛詩雅,密密接戲沒休息,詩雅話:「原來買樓係咁大壓力,仲要諗出年點供,因為買樓花,要過兩年先可以租出去俾人幫我供,o依家同公司講,我兩、三日冇得瞓都唔係問題。」

近年專注美容生意嘅楊秀惠,涉足星馬港澳等地,喺大馬買舖開店,又計劃進軍內地巿場,講笑話有機會上巿,要做生招牌的楊秀惠話:「我要keep好啲皮膚同狀態,要比起拍戲時更努力,如果唔係就冇說服力。」



更多娛聞,喺晒《娛果》

http://fb.com/appledailyen

(攝影:葉君海) 溫碧霞表示,聖誕會去峇里同屋企人渡假 溫碧霞趁機會為內地巿場影一輯寫真
陳瀅希望下年可以買樓

過幾天便踏33歲生日嘅衛詩雅,密密接戲沒休息




楊秀惠計劃進軍內地巿場



鍾意就快D Share啦!