掃呢頁CODE去手機

2018年2月16日 星期五

【觀眾嗌「回水」】《棟篤特工》暫收逾500萬 黃子華:喜劇,唔係胡鬧! __,子華,黃子華,

黃子華、佘詩曼、張建聲同女朋友陳嘉莉、C君、趙永洪年三十晚去到旺角朗豪坊戲院為新戲《棟篤特工》謝票,子華同阿佘一早就進入戲院神秘同觀眾睇戲,當進行謝票 ...




黃子華、佘詩曼、張建聲同女朋友陳嘉莉、C君、趙永洪年三十晚去到旺角朗豪坊戲院為新戲《棟篤特工》謝票,子華同阿佘一早就進入戲院神秘同觀眾睇戲,當進行謝票時子華就問啲觀眾你哋係咪真係俾錢入場睇㗎?跟住觀眾玩嘢大嗌﹕「回水」!

子華同阿佘分別同屋企人食完飯趕到戲院,佢哋話以為今日會好塞車,點知交通出奇暢順,一齊都早到咗,於是入戲院直擊觀眾反應,見到觀眾好開心。電影前日優先場收270萬,噚日正式上畫收250萬,共超過500萬票房。子華話:「我唔可以唔滿意,我依家拍電影就好似新仔咁,阿佘就有啲經驗,有咁嘅成績已經係幾好,係一個起步,希望大家多多支持。」阿佘即追問子華會唔會開續集,子華都係嗰句,睇咗起步先。

子華之前拍落電影成績都強差人意,被冠「票房毒藥」稱號,今次終於有啲成績,可以甩名,子華話:「正如我所講最開心係票房,依家啲觀眾好識睇戲,知道呢一套電影唔單只係喜劇,唔係胡鬧,係認真嘅喜劇,我都好開心。」覺唔覺得係阿佘旺場?子華話:「唔使講啦,我哋做盡一切都要留低佢,開續集都要睇佢。」阿佘話如果開到係一個榮幸。

張建聲最近忙宣傳,連日同日本AV女波多野結衣相對,連情人節都冇陪女友陳嘉莉。張建聲認衰話:「大家都好擔心我嘅安危,我決定講少啲,近日言行都好似太出眾惹來正評同負評,喺屋企都跪咗玻璃,戴頭盔最緊要戴得快同準。」陳嘉莉就話冇嬲男友:「工作都OK嘅,不過唔好講太多嘢。」陳嘉莉會返廣州過農歷年,張健聲則留守香港,佢叫女友話唔使驚,波多野結衣已經離開香港。



最港電影大獎投票網址

http://bit.ly/thekongestfilmawards

精選娛聞,喺晒《娛果》

http://fb.com/appledailyent

黃子華甩「票房毒藥」之名,但觀眾仍玩嘢嗌﹕「回水」!(攝影:陳慧安) 子華話阿佘係福將,如開續集一定預對方。



票房唔錯,大家都開心! C君
張建聲同女友陳嘉莉

鍾意就快D Share啦!