掃呢頁CODE去手機

2018年4月18日 星期三

【韓流】41歲咸素元嫁23歲大陸網紅 男家父親揚言斷絕關係 __,大陸,中國,

【新增內容】韓國小姐出身、曾演出韓片《我班Friend好搞嘢》嘅41歲女星咸素元,現時正專注喺大陸發展,之前喺網上自爆與細佢18年嘅網紅陳華拍拖,即時 ...


【新增內容】

韓國小姐出身、曾演出韓片《我班Friend好搞嘢》嘅41歲女星咸素元,現時正專注喺大陸發展,之前喺網上自爆與細佢18年嘅網紅陳華拍拖,即時惹來關注。咸素元與男友拍拖1年後,於今年2月喺大陸登記結婚成為夫婦,預計於今年夏天補辦婚禮。陳華現年23歲,屋企管理農場事業,係一名富二代。

咸素元大前日孖老公喺韓國拍攝婚紗相,噚日就喺網上公開咗多張婚照晒幸福。咸素元身穿白色婚紗大晒S型身材,老公就從後攬住咸素元,兩人都一臉幸福,除咗婚紗,兩人又換上傳統韓服拍攝婚照。同時二人亦有接受訪問,陳華自爆婚後會由老婆掌權財政大權,每月等老婆畀家用佢。

不過由於二人年紀相差一截,所以陳華嘅父母都好反對兒子結婚,佢父親仲話要斷絕父子關係,不過陳華就話無論點佢都會同咸素元一齊。而咸素元今日受訪時就指得知唔少網民支持自己都十分開心,現時佢正喺韓國準備新房,日後將於大陸及韓國兩地生活,同時又透露會盡快造人,為老公繼後香燈。

更多韓流,喺晒《娛果》

http://fb.com/appledailyent





咸素元拖實老公影婚照

又咀嘴放閃



兩人又換上韓服

咸素元感動爆喊

鍾意就快D Share啦!