掃呢頁CODE去手機

2018年4月25日 星期三

暴龍哥都眼甘甘 最索車迷主播想干地走 __,龍哥,孫東海,

阿仙奴FanTV嘅暴龍哥Troopz反雲反到出晒名,而喺佢全力「發功」之下,雲格都終於下台了!那邊廂車路士領隊干地亦似乎不得人心,車路士FanTV嘅索 ...


阿仙奴Fan TV嘅暴龍哥Troopz反雲反到出晒名,而喺佢全力「發功」之下,雲格都終於下台了!那邊廂車路士領隊干地亦似乎不得人心,車路士Fan TV嘅索爆主播露絲(Sophie Rose)亦公開發炮,叫呢名意大利籍教頭早走早着,仲話「佢個心已經唔喺車仔度」。之但係咁,干地上季話晒都幫車仔攞英超,露絲咁講會唔會有啲不近人情?

擁有火辣身材嘅露絲為車路士死忠,26歲嘅佢亦為車路士Fan TV嘅主播之一,而逢親有阿仙奴對車路士嘅比賽,佢都會接受阿仙奴Fan TV主持Robbie訪問。加上佢時不時喺instagram上載一啲性感相,令到佢喺網上嘅知名度爆晒燈!

雖然車路士打入咗足總盃決賽,但另一方面失落英超冠軍,歐聯又16強止步,而露絲就覺得不可接受,更要求干地執包袱:「如果佢已經有離心,你根本唔可以強迫佢留低,即使我真心想佢留低。」對於干地嘅繼任人,佢就話未諗到,但一定唔想係祖雲達斯嘅艾基利,因為覺得對方太細膽:「仲未有心水,但艾基利一定唔係最合適,佢睇起上嚟有啲細膽,而車路士教頭係要有霸氣先做到!」

好多人批評干地季初放走迪亞高哥斯達(DC)嘅決定,但露絲認為佢「冇做錯到」,她說:「好多人怨干地掃走,但我支持佢咁做,因為DC已經唔想留喺車仔,想走嘅就由得佢。」露絲仲話如果自己係車仔領隊,就一定會擺基奧特做正選,亦會因應情況改變陣式,似乎好有心得咁!

--------------------

《體蘋果》陪你睇波講波

https://www.fb.com/appledailysports

--------------------

係你!打造星級球隊,征服各地聯賽!立即加入『BFB CHAMPIONS 2.0』!http://bit.ly/2xrTKGM


鍾意就快D Share啦!